'గౌతమ్‌నంద' ఫస్ట్ లుక్ వచ్చేసింది !

సంపద్ నంది డైరెక్షన్‌లో గోపీచంద్ హీరోగా తెరకెక్కుతున్న మూవీ ఫస్ట్ లుక్, లోగో రిలీజయ్యాయి. డైరెక్టర్ సంపత్ నంది నిన్న చేసిన ట్వీట్ ప్రకారమే ఇవాళ ఉదయం గౌతమ్‌నంద ఫస్ట్ లుక్ డీటేల్స్ రిలీజ్ చేశారు. గౌతమ్‌నంద అనే టైటిల్ చూడగానే ఏవో పాత జ్ఞాపకాలు గుర్తొచ్చాయి కదా.. అవును, నిజమే. పవర్ స్టార్ పవన్ కల్యాణ్ నటించిన 2013 బ్లాక్ బస్టర్ మూవీ అత్తారింటికి దారేది చిత్రంలో పవన్ పేరు గౌతమ్‌నందనే.
Meet my GAUTAM NANDA! Hope u like it! More excitin updates 2 follow.. #GautamNanda #GautamNandaFirstLook #Gopichand @ihansika #catherine pic.twitter.com/ThfRuWN6eF— Sampath Nandi (@DirectorSampath) February 4, 2017
సాధారణంగా పవన్ చిత్రాలు, పాటల్లోని పదాల ఆధారంగా చేసుకుని గతంలో ఎన్నో చిత్రాలు తెరకెక్కాయి. పిల్లా నువ్వు లేని జీవితం, గుండెజారి గల్లంతయ్యిందే వంటి చిత్రాలు ఆ జాబితాలోనివే. అయితే, ఈసారి సంపత్ నంది-గోపీచంద్ చిత్రానికి కూడా ఇలా గౌతమ్‌నంద టైటిల్‌తో మరోసారి పవన్ లింక్ ఏర్పడిందన్నమాట. గౌతమ్‌నంద.. 'ఏ జర్నీ ఇన్ టు ద సెల్ఫ్' అనే ట్యాగ్‌లైన్‌తో రానున్న ఈ చిత్రంలో గోపీచంద్ సరసన హన్సిక, కేథరిన్ ట్రెసా హీరోయిన్లుగా నటిస్తున్నారు.