ఈసారైనా థియేటర్లో 'ఆక్సీజన్' దొరుకుతుందా ?

గోపీచంద్ నటించిన రెండు చిత్రాలు వెంటవెంటనే విడుదలకి రెడీ అవుతున్నాయి. గోపీచంద్ నటించిన 'గౌతమ్ నంద' సినిమా జులై 28న విడుదల కానుండగా తాజాగా మరో సినిమా విడుదల విషయంలోనూ ఆ మూవీ మేకర్స్ ఓ స్పష్టతకి వచ్చారు. ఏ.ఎం. జ్యోతికృష్ణ డైరెక్ట్ చేసిన ఆక్సీజన్ సినిమాను ఆగస్టు 18న విడుదల చేయడానికి సన్నాహాలు చేసుకుంటున్నట్టు సమాచారం. ఎప్పుడో ఏప్రిల్ నెలలో విడుదల కావాల్సి వున్న ఆక్సీజన్ మూవీ ఇప్పటివరకు విడుదలకి నోచుకోకపోవడంతో ఈసారైనా ఆక్సీజన్ పక్కాగా వచ్చేనా లేదా అనే సందేహాలు వినిపిస్తున్నాయి.

గోపీచంద్ సరసన రాశి ఖన్నా, అను ఎమాన్యుయెల్ నటించిన ఈ సినిమాను తెలుగు, తమిళ భాషల్లో ఏకకాలంలో తెరకెక్కించారు. లక్ష్యం మూవీ తర్వాత జగపతి బాబు మరోసారి గోపీచంద్ సినిమాలో ఓ కీలక పాత్ర పోషిస్తున్నాడు. యువన్ శంకర్ రాజా కంపోజ్ చేసిన ట్యూన్స్‌ని కూడా త్వరలోనే విడుదల చేసేందుకు ఆక్సీజన్ యూనిట్ ప్లాన్ చేసుకుంటోంది.