'గౌతమ్ నంద'కు లైన్ క్లియర్

సంపత్ నంది దర్శకత్వంలో గోపిచంద్ హీరోగా నటించిన చిత్రం 'గౌతమ్ నంద'. ఈ సినిమాకు ప్రీరిలీజ్ బిజినెస్ ఓ రేంజ్‌లో జరగడంతో సోలోగా వచ్చి కలెక్షన్స్ దున్నేయాలని ప్లాన్ చేసుకున్నాడు 'గౌతమ్ నంద'. దీనికోసం ఈ నెలాఖరు 28న డేట్ కన్ఫర్మ్ చేసుకున్నాడు. కానీ ఇంతలోనే అనుకోకుండా 'నక్షత్రం' సినిమా కూడా అదే రోజు రాబోతుందని వెల్లడించారు. అలానే ధనుష్ నటించిన 'విఐపి2' సినిమా కూడా అదే రోజు విడుదల చేయాలనుకున్నారు. దీంతో గౌతమ్ నంద సినిమాకు పోటీ తప్పదని, వసూళ్ల పరంగా సినిమాపై ప్రభావం పడే అవకాశం ఉందని అనుకున్నారు.

కానీ ఇప్పుడు ‘గౌతమ్ నంద’ సినిమా సోలో రిలీజ్ కు మార్గం కలిగింది. జులై 28న అనుకున్న 'నక్షత్రం' సినిమా కాస్త ఆగస్ట్ 4కి వాయిదా పడింది. అలానే విఐపి2 సినిమాను కూడా ఆగస్ట్‌లో విడుదల చేస్తామని నిర్మాతలు ప్రకటించారు. దీంతో 'గౌతమ్ నంద'కు లైన్ క్లియర్ అయిపోయింది. ఈ సినిమాను భారీ పెట్టుబడితో నిర్మించారు. సంపత్ నంది చెప్పిన కథపై నమ్మకం పెట్టిన నిర్మాతలు గోపిచంద్ మార్కెట్ పరిధిని దాటి ఖర్చుపెట్టారు. ఈ క్రమంలో సినిమా సోలో రిలీజ్ అనేది దర్శకనిర్మాతలకు, బయ్యర్లలో ఉత్సాహాన్ని నింపుతోంది. ఈ సినిమాలో హన్సిక, కేథరిన్‌లు గోపీచంద్‌తో జోడీ కడుతున్నారు. తనికెళ్ల భరణి, వెన్నెల కిషోర్, అజయ్ ప్రధాన పాత్రల్లో నటిస్తున్న ఈ మూవీకి ఎస్.ఎస్. థమన్ సంగీతం అందిస్తున్నారు.