గౌతమ్ నంద ‘జిందగీ’ సాంగ్ రిలీజ్

మాస్ హీరో గోపీచంద్, యంగ్ డైరెక్టర్ సంపత్ నందిల కాంబినేషన్‌లో తెరకెక్కుతున్న సూపర్ స్టైలిష్ యాక్షన్ ఎంటర్ టైనర్ "గౌతమ్ నంద". శ్రీబాలాజీ సినీ మీడియా పతాకంపై జె.భగవాన్, జె.పుల్లారావ్‌లు సంయుక్తంగా నిర్మిస్తున్న ఈ చిత్రంలో గోపీచంద్ సరసన హన్సిక-కేథరిన్‌లు కథానాయికలుగా నటిస్తున్నారు.

ఈ చిత్రం టాకీ పార్ట్ పూర్తికావడంతో టీజర్‌ను చిత్ర కథానాయకుడు గోపీచంద్ పుట్టినరోజు సందర్భంగా జూన్ 12న విడుదల చేయగా ప్రేక్షకుల నుండి మంచి రెస్పాన్స్ రాబట్టింది. తాజాగా చిత్ర దర్శకుడు సంపత్ నంది బర్త్ డే కావడంతో ఈ మూవీనుండి తొలిసాంగ్‌ను రిలీజ్ చేశారు చిత్ర యూనిట్.

తమన్ తన దైనశైలిలో రాక్ మ్యూజిక్ అందించిన ‘జింద‌గీ నా మిలేగా దోబ‌రా’ సాంగ్ ప్రేక్షకులను ఆకట్టుకుంటుంది. ఈ లిరిక్ వీడియో సాంగ్‌లో హీరో గోపీచంద్ పాత్రను దర్శకుడు సంపత్ నంది చాలా స్టైలిష్‌ లుక్‌లో రిచ్‌గా చిత్రీకరించాడు. ఈ మూవీ జూలైలో మూవీ ప్రేక్షకుల ముందుకు రానుంది.