విజయ్ మాల్యా బయోపిక్‌లో ప్రముఖ హీరో!

బ్యాంకులకు రూ.9వేల కోట్లు ఎగవేసి.. బ్రిటన్‌లో తలదాచుకున్న లిక్కర్ కింగ్ విజయ్ మాల్యా జీవితం ఆధారంగా బాలీవుడ్‌లో బయోపిక్ తెరకెక్కిస్తున్నట్లు సీబీఎఫ్‌సీ మాజీ చీఫ్ పహ్లాజ్ నిహ్లానీ తెలిపారు. ఈ సినిమాలో మాల్యాగా ప్రముఖ బాలీవుడ్ హీరో గోవింద కనిపిస్తారన్నారు. పూర్తిగా వినోదాత్మకంగా ఈ చిత్రాన్ని తెరకిక్కిస్తానని పేర్కొన్నారు.

ఈ సినిమాకు సంబంధించిన పూర్తి వివరాలు బయటకు వెల్లడించకున్నా.. ఇప్పటికే గోవిందాతో ఒక పాటను తెరకెక్కించినట్లు తెలిసింది. ఈ సినిమాకు ‘రంగీలా రాజా’ అనే టైటిల్ పరిశీలిస్తున్నట్లుగా సమాచారం. గోవిందా దాదాపు 35 ఏళ్ల తర్వాత నిహ్లాని దర్శకత్వంలో నటిస్తున్నారు.