విడుదలకు ముందే నెట్లో మరో చిత్రం
ఉడ్తా పంజాబ్ విడుదలకు ముందే నెట్లో ప్రత్యక్షమై పెద్ద సంచలనం సృష్టించింది.
TNN 21 Jun 2016, 11:35 am
ఉడ్తా పంజాబ్ విడుదలకు ముందే నెట్లో ప్రత్యక్షమై పెద్ద సంచలనం సృష్టించింది. ఇప్పుడు జీవీ ప్రకాష్ కుమార్ హీరోగా నటించిన ఓ తమిళ సినిమా రిలీజ్ కు ముందే నెట్ లోకి వచ్చేసింది. దీంతో ఆ సినిమా టీమ్ మొత్తం షాక్ కు గురైంది. సినిమాకు సంబంధించి ఓ పాటో, సీనో లీకవ్వడం సాధారణం. కానీ ఏకంగా పూర్తి సినిమా లీక్ అవ్వడం ఆశ్చర్యానికి గురిచేసింది. ఉనక్కు ఇన్నోరు పేర్ ఇరుక్కు సినిమా గత శుక్రవారం విడుదలైంది. విడుదలకు ముందే ఆ సినిమాని నెట్ లో ఉంది. దీంతో చిత్రయూనిట్ నేరుగా పోలీస్ కమిషనర్ కు ఫిర్యాదు చేశారు. ఇలాంటి లీకుల వల్ల తాము ఆర్థికంగా తీవ్రంగా నష్టపోతామని నిర్మాతలు వాపోయారు. ఈ సినిమాని ఇంటర్నెట్లో ఎవరు పెట్టారో తెలుసుకుని శిక్ష విధించాలని వారు కోరారు. కమిషనర్ దోషులెవరో తేలస్తామని హామీ ఇచ్చారు.