ఆల్కహాల్ మత్తులో రచ్చరచ్చ చేసిన హన్సిక

మొట్టమొదటిసారి మద్యం పుచ్చుకున్న హన్సిక షూటింగ్‌లో రచ్చరచ్చ చేసిందట. ఈ విషయాన్ని స్వయంగా తానే బయటికి వెల్లడించింది. తమిళంలో జయం రవి, అరవింద్ స్వామి, హన్సిక ప్రధాన పాత్రల్లో నటించిన బోగన్ మూవీ నిన్ననే రిలీజైంది. ఈ సందర్భంగా సినిమా ప్రమోషన్స్‌లో పాల్గొంటున్న హన్సికనే ఓ ఇంటర్వ్యూలో ఈ ఆల్కహాల్ ఎపిసోడ్‌ని బయటికి లీక్ చేసింది.

ఈ సినిమాలో హన్సిక మద్యం మత్తులో వున్నట్టుగా నటించాల్సిన ఓ సన్నివేశం వుందట. అందుకోసం షూటింగ్‌కి కొంచెం ప్రీపేర్ రావాల్సిందిగా డైరెక్టర్ చెబితే, హన్సిక మాత్రం నిజంగానే మద్యం పుచ్చుకుని షూటింగ్‌కి వెళ్లిందట. ఇంకేం.. అక్కడంతా రచ్చరచ్చే. మద్యం మత్తులో వున్న తనని కంట్రోల్ చేయడానికి యూనిట్ సభ్యులు ఎంత కష్టపడ్డారో అని ఆరోజు జరిగిన సంఘటనను గుర్తుచేసుకుంది హన్సిక.

నిన్న రిలీజైన ఈ బోగన్ సినిమాలో హన్సిక నటించిన మద్యం మత్తు సన్నివేశం కూడా బాగా పర్‌ఫెక్ట్ గా వచ్చిందంటున్నారు సినిమా చూసిన ఆడియెన్స్. ఇదే విషయాన్ని ఆమెకు ట్విటర్‌లోనూ ట్వీట్ చేశారు కొంతమంది అభిమానులు. ఇతర సినీప్రముఖుల నుంచి కూడా సినిమాకు పాజిటివ్ ట్వీట్స్ కనిపించాయి.