హన్సిక రాకతో ట్రాఫిక్ జామ్.. అవస్థలు పడిన పోలీసులు

హీరోయిన్ హన్సికకు తమిళనాట భారీ ఫ్యాన్ ఫాలోయింగ్ వుందనే సంగతి తెలుసు కానీ మరీ ఈ రేంజ‌్‌లో వుందని మాత్రం అస్సలే అనుకోలేదని కోలీవుడ్ వర్గాలు ఆశ్చర్యం వ్యక్తంచేస్తున్నాయి. అందుకు కారణం హన్సిక ఓ మొబైల్ స్టోర్ లాంచింగ్ కోసం వస్తుందని తెలిసి ఆమెని చూసేందుకు ఎగబడిన అభిమానులతో అక్కడి ప్రాంతమంతా క్షాణాల్లోనే రద్దీగా మారి పూర్తిగా ట్రాఫిక్ జామ్ అవడమే. అవును తమిళనాడులోని ఈరోడ్ జిల్లాలో చెన్నై మొబల్ స్టోర్స్ లాంచింగ్ కోసం వెళ్లిన హన్సికకు సైతం ఆ ట్రాఫిక్ జామ్ ఇబ్బందులు తప్పలేదట.

హన్సికకు తన చుట్టూ చేరిన అభిమానులను దాటుకుని స్టోర్ వరకు వెళ్లడానికి నానా కష్టాలు పడాల్సి వచ్చిందట. అక్కడ జామ్ అయిన ట్రాఫిక్ ని తిరిగి యధాస్థానానికి తీసుకురావడానికి పోలీసులు కూడాఅష్టకష్టాలు పడాల్సి వచ్చిందంటే హన్సికను ఇకపై లైట్ తీసుకోవడానికి వీల్లేదంటున్నాయి కోలీవుడ్ వర్గాలు.