మహేష్ కోసం రెండు క్లాసీ టైటిల్స్!

మురుగదాస్ దర్శకత్వంలో మహేష్ బాబు నటించిన 'స్పైడర్' సినిమా భారీ అంచనాల నడుమ ప్రేక్షకుల ముందుకొచ్చింది. ఒక వర్గపు ఆడియన్స్‌ను ఈ సినిమా మెప్పించినప్పటికీ మహేష్ అభిమానుల అంచనాలను మాత్రం ఈ సినిమా రీచ్ కాలేకపోయింది. దీంతో మహేష్ తన తర్వాతి సినిమాపై దృష్టి పెట్టాడు. కొరటాల శివ దర్శకత్వంలో తెరకెక్కుతోన్న 'భరత్ అనే నేను' సినిమా ప్రస్తుతం చిత్రీకరణ దశలో ఉంది.

ఈ సినిమాలో మహేష్ ముఖ్యమంత్రి పాత్రలో నటిస్తోన్న సంగతి తెలిసిందే. గతంలో కొరటాల-మహేష్ కాంబినేషన్‌లో వచ్చిన 'శ్రీమంతుడు' సినిమా బ్లాక్ బాస్టర్ హిట్ కావడంతో ఈ సినిమాపై ప్రేక్షకుల్లో అంచనాలు పెరిగిపోయాయి. ఆ అంచనాలను అందుకునే దిశగా చిత్రబృందం పనిచేస్తోంది.

ఈ సినిమా తర్వాత మహేష్ వెంటనే వంశీ పైడిపల్లి దర్శకత్వంలో సినిమా మొదలుపెట్టనున్నాడు. అశ్వనీదత్, దిల్ రాజు సంయుక్తంగా నిర్మిస్తోన్న ఈ సినిమా ఓ ఫ్యామిలీ ఎంటర్టైనర్‌గా తెరకెక్కనుంది. ప్రస్తుతం కథకు తగ్గట్లుగా ఈ సినిమా కోసం 'కృష్ణ ముకుందా మురారి', 'హరే రామ హరే కృష్ణ' అనే టైటిల్స్‌ను పరిశీలిస్తున్నట్లు తెలుస్తోంది. ఈ రెండు కూడా యాప్ట్ టైటిల్స్ అని యూనిట్ భావించడంతో రెండిటిలో ఒకదాన్ని ఫైనల్ చేయనున్నారు. ఈ సినిమాకు దేవిశ్రీప్రసాద్ సంగీతం అందించనున్నాడు.