మల్టీస్టారర్ సినిమాని డైరెక్ట్ చేయనున్న హరీష్ శంకర్

గబ్బర్ సింగ్ తర్వాత దువ్వాడ జగన్నాథమ్ సినిమాతో మళ్లీ తన కెరీర్‌లో మరో బ్లాక్ బస్టర్ హిట్ కొట్టిన డైరెక్టర్ హరీష్ శంకర్.. డీజే ఇచ్చిన జోష్‌తో తన తర్వాతి సినిమాకు రెడీ అవుతున్నాడు. డీజే సినిమాను నిర్మించిన దిల్ రాజునే ఈ సినిమాను కూడా నిర్మించనున్నాడు. మల్టీస్టారర్‌గా తెరకెక్కనున్న ఈ సినిమాకు దిల్ రాజు ఇప్పటికే 'దాగుడు మూతలు' అనే టైటిల్ రిజిస్టర్ చేయించినట్టు స్వయంగా హరీష్ శంకరే మీడియాకు తెలిపాడు.

ప్రస్తుతం ప్రీ-ప్రొడక్షన్ స్టేజ్‌లో వున్న ఈ సినిమాకు ఇంకా నటీనటుల ఎంపిక పూర్తికాలేదు. కాకపోతే ప్రస్తుతం కెరీర్‌లో సక్సెస్‌ఫుల్‌గా వున్న ఇద్దరు యంగ్ స్టార్ హీరోలు ఇందులో కలిసి నటించనున్నట్టు తెలుస్తోంది. ఆ ఇద్దరు ఎవరనే వివరాల్ని మాత్రం హరీష్ శంకర్ గోప్యంగానే దాచిపెట్టారు.