‘హార్ట్‌బీట్’.. ఇంటర్మీడియట్ అమ్మాయి ప్రేమకథ

దివ్య.. ఇంటర్మీడియట్ రెండో సంవత్సరం చదువుతోంది. వయసు 17 ఏళ్లు. కానీ సాఫ్ట్‌వేర్ ఇంజినీర్ అయిన 25 ఏళ్ల అర్జున్‌ను ప్రేమించింది. ఇద్దరి మధ్య వయసు అంతరం. అయినా పర్వాలేదు అనుకుంది దివ్య. తన ప్రేమను గెలిపించుకోవడానికి విశ్వప్రయత్నాలు చేసింది. ఆ ప్రతయ్నాలు ఏంటి, చివరికి దివ్య ప్రేమ గెలిచిందా.. తనకంటే ఎనిమిదేళ్లు పెద్దవాడైన అర్జున్ ప్రేమను పొందిందా..? అనే విషయాలు తెలియాలంటే ‘హార్ట్‌బీట్’ మూవీ చూడాల్సిందే.

దేవాస్ మీడియా అండ్ ఎంటర్‌టైన్‌మెంట్ బ్యానర్‌పై శ్యామ్ దేవాభక్తుని నిర్మితమవుతున్న ఈ సినిమాకు ద్వారక్ రాజా దర్శకత్వం వహిస్తున్నారు. ధృవ. వెన్బా హీరోహీరోయిన్లు. చార్లీ, కల్పన ప్రధాన పాత్రలు పోషించారు. ఇప్పటికే విడుదలైన ఈ సినిమా టీజర్‌‌కు మంచి స్పందన వస్తోంది. అలాగే ధరణ్ కుమార్ అందించిన సంగీతం కూడా బాగుంది. ‘హార్ట్‌బీట్’ జ్యూక్ బాక్స్‌ను కూడా చిత్ర యూనిట్ విడుదల చేసింది. ఈ సినిమా ట్రైలర్‌ను డిసెంబర్ 15న విడుదల చేయనున్నారు. ఈ సినిమా త్వరలోనే ప్రేక్షకుల ముందుకు రానుంది.

‘హార్ట్‌బీట్’ టీజర్


‘హార్ట్‌బీట్’ జ్యూక్ బాక్స్