భర్త చిత్రహింసలు పెట్టాడు: ప్రముఖ గాయని

వైవాహిక జీవితం తనకు మిగిల్చిన చేదు అనుభవాలను వివరించింది ప్రముఖ గాయని కౌసల్య. అనేక సూపర్ హిట్ సాంగ్స్ ను ఆలపించిన కౌసల్య తన వైవాహిక జీవితం నరకాన్ని తలపింపజేసిందని పేర్కొంది. భర్తతో విడిపోయిన ఈమె అతడు పెట్టిన చిత్రహింసలను వివరించింది. ఈ మేరకు ఆమె ఒక మీడియా సంస్థకు ఇచ్చిన ఇంటర్వ్యూలో తన బాధలను చెప్పుకుని, భర్త నుంచి విడిపోయిన పరిస్థితులను వివరించింది.

తనకు వివాహం జరిగి ఆరు సంవత్సరాలు గడిచాయని కౌసల్య తెలిపింది. అయితే పెళ్లైన దగ్గర నుంచి తనకు భర్త నుంచి వేధింపులు మొదలయ్యాయని, ఆరేళ్ల పాటు చిత్రవధను అనుభవించానని కౌసల్య వివరించింది. పెళ్లి తర్వాత తనకు స్వేచ్ఛాస్వతంత్రాలు లేకుండా పోయాయని, తన అభిప్రాయానికి విలువ లేకుండా పోయిందని ఆమె చెప్పింది. ఈ విధంగా వైవివాహిక జీవితం తనకు నరకప్రాయమైందని ఆవేదన వ్యక్తం చేసింది.

తన భర్తకు వివాహేతర సంబంధం కూడా ఉందని ఆమె కౌసల్య చెప్పారు. ఇలా పెళ్లితో తన జీవితం అన్ని విధాలుగానూ నాశనం అయ్యిందని ఆమె వ్యాఖ్యానించారు. అందుకే భర్త నుంచి విడిపోవాలని నిర్ణయించుకున్నట్టుగా ఆమె తెలిపారు. భర్త తనను తిడుతూ, దూషిస్తూ చేసిన చాట్ సంభాషణను కూడా తను సేవ్ చేసినట్టుగా కౌసల్య వివరించింది. అనేక సార్లు అతడు చెయి చేసుకున్నాడు, కొంచెం కూడా జాలి చూపకుండా తనను ఇష్టానుసారం కొట్టేవాడని.. కౌసల్య తను ఎదుర్కొన్న హింస గురించి వివరించింది.