నాగఅన్వేష్‌కి జోడిగా హెబ్బాపటేల్

వినవయ్యా రామయ్య ఫేమ్ నాగ అన్వేష్ రెండో సినిమా పనులు శరవేగంగా జరుతున్నాయి. సరస్వతి ఫిల్మ్స్ బ్యానర్‌పై సింధుర పువ్వు కృష్ణారెడ్డి నిర్మాతగా రాజమౌళి శిష్యుడు 'బాహుబలి' పళని ఈ చిత్రాన్ని తెరకెక్కిస్తున్నారు. త్వరలో సెట్స్‌పైకి రాబోతున్న ఈ సినిమాలో నాగఅన్వేష్ సరసన హాట్ బ్యూటీ హెబ్బా పటేల్‌ను హీరోయిన్‌గా ఎంపిక చేశారు. యాక్షన్, కామెడీ ఎంటర్‌టైనర్‌గా తెరకెక్కనున్న ఈ సినిమాకు 'ఏంజిల్' అనే టైటిల్ ఫిక్స్ చేశారు.

బాలనటుడిగానే కాక తొలిచిత్రంతోనే హీరోగాను మెప్పించిన నాగ అన్వేష్ ఈసారి ఓ వినూత్నమైన స్టోరీతో ప్రేక్షకుల ముందుకి రాబోతున్నాడు. యాక్షన్, కామెడీ, లవ్, సెంటిమెంట్... ఇలా నవరసాలు సమపాళ్లలో ఉండే విధంగా ఈ చిత్రం రూపొందనుంది. అలానే నాగ అన్వేష్, హెబ్బా పటేల్ జోడీ యూత్‌కి ఫుల్ కిక్ ఇస్తుందని చిత్ర బృందం చెబుతోంది. ఇక ఈ చిత్రానికి సంబంధించిన మరిన్ని వివరాలు త్వరలోనే వెల్లడిస్తామని దర్శకనిర్మాతలు ప్రకటించారు.