సీఎం భరత్‌కు అరుదైన గౌరవం

భరత్ అనే నేను సక్సెస్‌ను ఎంజాయ్ చేస్తున్న మహేష్‌కు అనుకోని సర్‌ప్రైజ్... ఇంతకీ ఏంటనే కదా మీ డౌట్... మేడమ్ టుస్సాడ్స్ మ్యూజియం లిస్ట్‌లో ప్రిన్స్ కూడా చేరిపోయారు. ఈ విషయాన్ని మహేష్ ట్విట్టర్‌లో పంచుకున్నారు. మ్యూజియంలో తన మైనపు బొమ్మను ఏర్పాటు చేస్తున్నారని... తన వివరాలు సేకరించేందుకు వచ్చిన ప్రతినిధులకు కృతజ్ఞతలు తెలిపారు. ట్వీట్‌తో పాటూ ఓ ఫోటోను కూడా షేర్ చేశారు. ఈ అరుదైన ఘనతను దక్కించుకున్న మహేష్‌కు ఫ్యాన్స్ అందరూ కంగ్రాట్స్ చెబుతున్నారు.


గతంలో మేడమ్ టుస్సాడ్స్ మ్యూజియంలో రెబల్ స్టార్ ప్రభాస్ మైనపు బొమ్మను బ్యాంకాక్‌లోని మ్యూజియంలో ఏర్పాటు చేశారు. ఇప్పుడు మహేష్‌ ఆ అరుదైన గౌరవం దక్కించుకున్నారు. అయితే ప్రిన్స్ బొమ్మను ఎక్కడ ఏర్పాటు చేస్తారన్నది మాత్రం క్లారిటీ లేదు.