Hero Raja Shocking Comments On Pawan Kalyan Video Goes Viral
Hero Raja: పవన్.. నువ్ మెస్సయ్య అనుకుంటున్నావా? హీరో రాజా ఫైర్
జనసేన అధినేత పవర్ స్టార్ పవన్ కళ్యాణ్పై షాకింగ్ కామెంట్స్ చేశారు ఫేడౌట్ హీరో రాజా. మంచి కాఫీలాంటి సినిమా అంటూ శేఖర్ కమ్ముల దర్శకత్వంలో వచ్చిన ‘ఆనంద్’ సినిమాతో పాపులర్ అయిన రాజా.. సినిమాలకు స్వస్తి చెప్పి క్రైస్తవ సువార్తికుడిగా మారిన విషయం తెలిసిందే.
Samayam Telugu26 Jan 2020, 6:40 pm
జనసేన అధినేత పవర్ స్టార్ పవన్ కళ్యాణ్పై షాకింగ్ కామెంట్స్ చేశారు ఫేడౌట్ హీరో రాజా. మంచి కాఫీలాంటి సినిమా అంటూ శేఖర్ కమ్ముల దర్శకత్వంలో వచ్చిన ‘ఆనంద్’ సినిమాతో పాపులర్ అయిన రాజా.. సినిమాలకు స్వస్తి చెప్పి క్రైస్తవ సువార్తికుడిగా మారిన విషయం తెలిసిందే.
సినిమాల్లో కనుమరుగైన రాజా.. బ్రదర్ రాజాగా ఫేమస్
సుమారు 37పైగా సినిమాల్లో నటించిన రాజా క్రైస్తవ యువతిని పెళ్లి చేసుకుని జీసస్ను దేవుడిగా అంగీకరించి సినిమాలను నుండి తప్పుకున్నారు. ఇక దేశ వ్యాప్తంగా దేవుని వాక్యాన్ని భోధిస్తూ.. అంతర్జాతీయ సువార్తీకుడిగా మారారు రాజా. ఆయన ప్రసంగాలు యూట్యూబ్లో వైరల్ అవుతున్నాయి.
పవన్ కళ్యాణ్పై షాకింగ్ కామెంట్స్..
రాజా పలు టీవీ ఛానల్స్లో దేవుని వాక్యాన్ని భోదిస్తూ క్రైస్తవ మత వ్యాప్తికి కృషి చేస్తూ బ్రదర్ రాజాగా మారారు. ఇండస్ట్రీకి దూరమైన తరువాత కేవలం దేవుడి వాక్యాన్నే భోధిస్తున్న రాజా.. జనసేన అధినేత పవన్ కళ్యాణ్ హాట్ కామెంట్స్ చేసిన వీడియో ఒకటి సోషల్ మీడియాలో వైరల్ అవుతోంది.
నువ్వేమైనా ‘మెస్సయ్య’ అనుకుంటున్నావా.. పవన్? ఎందుకయ్యా నీకు అంత అహంకారం
వైరల్ అవుతున్న వీడియోలో పవన్ కళ్యాణ్ గురించి రాజా మాట్లాడుతూ.. ‘ఎవరు నువ్వు.. నువ్వేమైనా ‘మెస్సయ్య’ (దైవదూత-జీసన్ను మెస్సయ్యగా పిలుస్తారు) అనుకుంటున్నావా? లోకరక్షకుడివా నువ్వు. ఎందుకయ్యా నీకు అంత అహంకారం. ప్రజల మధ్యలోకి వెళ్లి కనీసం వారం రోజుల పాదయాత్ర చేయయ్యా.. పవన్ కళ్యాణ్ కనీసం అప్పుడైనా వాళ్ల బాధ నీకు తెలుస్తోంది. ప్రజల మధ్యకు వెళ్లి వాళ్ల ఆవేదనను తెలుసుకుని అప్పుడు మాట్లాడండి’ అంటూ ఫైర్ అయ్యారు.
వాళ్ల చేతుల్లో కీలుబొమ్మ పవన్.. ఎవరో రాసిచ్చిన స్క్రిప్ట్ చదువుతూ..
‘ఎవరో రాసి ఇచ్చిన స్క్రిప్ట్ను చదివేస్తే కాదు.. లేకుండా ఎవరో ఒకరు నిన్ను నడిపిస్తే నువ్ వాళ్లు చెప్పినట్టు బొమ్మలా నటించడం కాదు.. వాళ్ల చేతుల్లో కీలుబొమ్మగా మారి ఏదేదో మాట్లాడుతున్నావ్’ అంటూ పవన్ కళ్యాణ్పై ఓ రేంజ్లో ఫైర్ అయ్యారు హీరో రాజా.
హీరో రాజా బ్రదర్ రాజా ఎలా అయ్యారు?
విశాఖపట్నంలో పుట్టి.. హైదరాబాద్లో పెరిగిన రాజా.. కింది స్థాయి నుండి కష్టపడి పైకి వచ్చారు. బీకాం చదివే రోజుల్లో హైదరాబాద్లోని గ్రీన్ పార్క్ హోటల్లో రిసెప్షనిస్ట్గా బతుకు పోరాటం మొదలుపెట్టారు రాజా. బీకాం పూర్తి చేసి ఎయిర్ లైన్స్లో మంచి ఉద్యోగం సంపాదించి జర్మనీకి వెళ్లారు. అనంతరం సినిమాలపై ఉన్న ఆసక్తితో యూఎస్కి వెళ్లి అక్కడ థియేటర్స్ కోర్స్ కంప్లీట్ చేసి ఇండియాకి వచ్చి సినిమాల్లో ట్రై చేశారు.
అవకాశాలు రాకపోవడంతో ముంబైకి..
సినిమాల్లో నటించాలనే రాజా ఆశ అంత ఈజీగా తీరలేదు. ఫొటోలు పట్టుకుని నిర్మాతలు, స్టుడియోల చుట్టూ తిరిగినా ఎవరూ అవకాశాలు ఇవ్వకపోవడంతో.. లాభం లేదనుకుని ముంబైకి వెళ్లి మోడలింగ్ చేశారు.
లైఫ్ ఇచ్చిన ఈవీవీ సత్యనారాయణ..
కాగా ముంబైలో అనుకోకుండా ఈవీవీ సత్యనారాయణ పరిచయం కావడంతో ఆయన రికమండ్ చేయడంతో ‘ఓ చినదాన’ సినిమాతో ఇండస్ట్రీకి పరిచయం అయ్యారు. ఈవీవీ సత్యనారాయణ కొడుకులు రాజేశ్, నరేష్లు రాజాకి మంచి స్నేహితులు కావడంతో రాజాకు సినిమాల్లో నటించడానికి ఉపయోగపడింది. అయితే రాజా నటించిన అప్పుడప్పుడు, విజయం సినిమాలు బోల్తాకొట్టడంతో మళ్లీ జెమిని టీవీలో డాన్స్ షోకి యాంకర్గా మారారు రాజా.
రాజాని హీరోగా మార్చిన శేఖర్ కమ్ముల..
రాజా కెరియర్ ప్రశ్నార్ధకంగా ఉన్న సమయంలో అనూహ్యంగా శేఖర్ కమ్ముల దృష్టిలో పడ్డారు. ‘ఆనంద్’ సినిమాలో పిలిచి మరీ ఆఫర్ ఇచ్చారు శేఖర్ కమ్ముల. ఆ సినిమా రాజా కెరియర్లోనే బ్లాక్ బస్టర్ హిట్ కావడంతో వరుస సినిమాలతో సత్తా చాటాడు రాజా. ఆనంద్ సినిమా తరువాత ‘ఒక ఊరిలో’, ‘వెన్నెల’, ‘మొగుడు పెళ్లం ఓ దొంగోడు’ ‘కోకిల’, ‘మిస్టర్ మేథావి’, ‘మాయా బజార్’ ఇలా చాలా సినిమాల్లో నటించి ప్రేక్షకుల్ని మెప్పించారు. ప్రొడ్యుసర్గా కూడా సొంతంగా సినిమాలను నిర్మించారు రాజా. అనంతరం జీసన్ను నమ్ముకుని సినిమాలకు దూరమై బ్రదర్ రాజాగా ప్రసంగాలు చేస్తున్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.