తన లాంటి భార్య దొరకడం నా అదృష్టం: హీరో సత్యదేవ్

లాక్‌డౌన్ సమయంలో తెలుగు ప్రేక్షకులను బాగా అలరించిన హీరో సత్యదేవ్ అనే చెప్పాలి. ఆయన నటించిన ‘47 డేస్’, ఉమామహేశ్వర ఉగ్రరూపస్య’ సినిమాలు ఓటీటీ ప్లాట్‌ఫామ్ ద్వారా విడుదలై అలరించాయి. ఆయన నటించిన ‘గువ్వ గోరింక’ సినిమా కూడా అమెజాన్ ప్రైమ్ ద్వారా విడుదల కాబోతోంది. ‘తిమ్మరుసు’ అనే సినిమా కూడా రిలీజ్‌కు సిద్ధం కాబోతోంది. జూనియర్ ఆర్టిస్ట్‌‌గా కెరీర్ ప్రారంభించిన సత్యదేవ్ ఒక్కో మెట్టు ఎక్కుతూ హీరోగా ఎదిగాడు. సాఫ్ట్‌వేర్ ఇంజినీర్‌గా నెలకు రూ.లక్షన్నర సంపాదించే తాను సినిమాల్లోకి రావడానికి కారణం తన భార్యే కారణమని ఓ ఇంటర్వ్యూలో చెప్పుకొచ్చాడు సత్యదేవ్.

Also Read: చిత్ర ఆత్మహత్య కేసులో తెరపైకి రాజకీయ నేత పేరు.. భర్తే చంపాడంటున్న ఫ్యామిలీ

“నా భార్య పేరు దీపిక. నేను ఏం చేసినా 100శాతం ఎఫర్ట్ పెట్టి పనిచేస్తానని తనకి తెలుసు. అందుకే నేను జాబ్ చేస్తూ సినిమా అవకాశాల కోసం ప్రయత్నించడం తనకు నచ్చలేదు. జాబ్ మానేసి పూర్తిగా సినిమాలపై దృష్టి పెట్టాలని సూచించింది. నన్ను ఎడారిలో వదిలేసినా ఏదొక రకంగా బ్రతికేస్తానని తన నమ్మకం. నేను ఉద్యోగం మానేసి సినిమాల్లో ప్రయత్నిస్తున్నప్పుడు మా అమ్మానాన్నలకు తానే నచ్చజెప్పి ఒప్పించింది. దీపిక లాంటి భార్య దొరకడం నిజంగా నా అదృష్టం. నేను ఆమెకి బిగ్ థాంక్స్ చెప్పుకోవాలి” అని సత్యదేవ్ చెప్పుకొచ్చారు.

Also Read: నాన్న వల్లే నటుడినయ్యా.. నా టాలెంట్ నిరూపించుకుంటా : సంజయ్ రావు