Siddharth: అదితిరావు హైదరితో ఫొటో షేర్ చేసిన హీరో సిద్ధార్థ్.. డేటింగ్‌పై మరింత క్లారిటీ

హీరో సిద్ధార్థ్ (Siddharth)... బాయ్స్, బొమ్మరిల్లు, నువ్వొస్తానంటే నేనొద్దంటానా వంటి విజయవంతమైన చిత్రాలతో తెలుగు ప్రేక్షకులకు దగ్గర కథానాయకుడు. అయితే తెలుగు ప్రేక్షకులు కొత్తదనమున్న చిత్రాలు కాకుండా కమర్షియల్ మూవీస్‌కే ఎక్కువ ఇంపార్టెన్స్ ఇస్తున్నారని, ఫ్యామిలీ హీరోలకే పట్టం కడుతున్నారనే ఉద్దేశంతో స్ట్రయిట్ తెలుగు సినిమాలను చాలా కాలం పాటు చేయలేదు. కొన్నాళ్లు ముందు శర్వానంద్‌ (Sharwanand)తో కలిసి మహా సముద్రం (Maha Samudram) అనే సినిమాలో యాక్ట్ చేశాడు. ఆ సినిమా డిజాస్టర్ అయ్యింది. దీంతో ఆయన ఇప్పుడు తెలుగు సినిమాల వైపే చూడటం లేదు.

ఈ కోలీవుడ్ హీరో ఇప్పుడు హైదరబాదీ బ్యూటీ అదితి రావు హైదరి (Aditi Rao Hydari)తో డేటింగ్‌లో ఉన్నాడు. వీరిద్దరూ కలిసి మహా సముద్రం (Maha Samudram)లో నటించిన సంగతి తెలిసిందే. అప్పుడు ఇద్దరి మధ్య ప్రేమ పుట్టిందని, లివ్ ఇన్ రిలేషన్‌లో ఉన్నారంటూ వార్తలు వచ్చాయి. కానీ ఇద్దరు ఈ వార్తలను అవుననలేదు..అలాగని ఖండించనూ లేదు. దీంతో ఇద్దరి మధ్య ఏదో ఉందంటూ న్యూస్ ఇంకా వైరల్ అవుతూ వచ్చింది. కానీ ఎట్టకేలకు ఈ వార్తలకు సిద్ధార్థ్, అదితి రావు హైదరి క్లారిటీ ఇచ్చే ప్రయత్నం చేశారు.

ఇంతకీ సిద్ధార్థ్, అదితిరావు హైదరి ఏం చేశారో తెలుసా.. శుక్రవారం (అక్టోబర్ 28) రోజున అదితి రావు హైదరి పుట్టినరోజు (Aditi Rao Hydari Birthday). ఈ సందర్భంగా ఆమెతో ఉన్న ఫొటోను సిద్ధార్థ్ సోషల్ మీడియాలో షేర్ చేశారు. ఈ ఫొటోతో పాటు నా గుండెల్లో యువరాణి అంటూ కామెంట్ పోస్ట్ చేశారు. ఈ కామెంట్ వెనుక ఇద్దరి మధ్య లవ్ ఉందనే విషయాన్ని వారు చెప్పకనే చెప్పేశారంటున్నారు నెటిజన్స్.