Sudheer Babu: సిక్స్ ప్యాక్ సుధీర్ బాబు ఫ్యామిలీ ప్యాక్.. హాట్ టాపిక్‌గా లడ్డూబాబు లుక్

హిట్, ఫ్లాప్స్‌తో సంబంధం లేకుండా ప్రయోగాత్మక చిత్రాలు చేసేందుకు ఇష్టపడే తెలుగు హీరోల్లో సుధీర్ బాబు (Sudheer Babu) ఒకరు. ఆయన కెరీర్‌లో ‘ప్రేమకథా చిత్రం, భలే మంచి రోజు, సమ్మోహనం’ వంటి డీసెంట్ హిట్స్ ఉన్నప్పటికీ.. ఫ్లాప్ మూవీస్ సంఖ్యే ఎక్కువ. అయితే ప్రతి సినిమాలో కొత్తదనం చూపించేందుకు తను పడే శ్రమ గురించి తెలిసిందే. అలాగే తెలుగు హీరోల్లో సిక్స్ ప్యాక్ (Six Pack) బాడీని ఎక్కువ చిత్రాల్లో మెయింటైన్ చేసిన రికార్డ్ కూడా తనే దక్కుతుంది. ఇక సుధీర్ రీసెంట్‌‌గా నటించిన ‘హంట్’ (Hunt) చిత్రంలో తన నటనకు పేరొచ్చింది కానీ.. మూవీ డిజాస్టర్‌గా మిగిలింది. ఈ నేపథ్యంలో తదుపరి చిత్రం కోసం రెడీ అవుతున్న సుధీర్.. మరొక ప్రయోగం చేయబోతున్నట్లు తెలుస్తోంది. సంబంధిత లుక్ వీడియో ప్రస్తుతం నెట్టింట లీకైంది.పాత్ర కోసం ఎంతటి రిస్క్ తీసుకునేందుకు వెనకాడని నైట్రో స్టార్ సుధీర్ బాబు.. ప్రస్తుతం హర్షవర్ధన్ (Harshavardhan) దర్శకత్వంలో ‘మామా మశ్చీంద్ర’ (Mama Mascheendra) అనే చిత్రంలో నటిస్తున్నాడు. ఈ సినిమాకు సంబంధించిన ఫస్ట్‌లుక్‌ సహా గ్లింప్స్‌ను గతంలోనే విడుదల చేశారు. ఇందులో సుధీర్ బాబు చాలా హ్యాండ్సమ్‌గా కనిపించాడు. అయితే, తాజాగా ఎడిటింగ్ రూమ్ నుంచి లీకైన వీడియో క్లిప్ ఒకటి సోషల్ మీడియాలో వైరల్ అవుతోంది. ఇందులో సుధీర్ మేకోవర్ చూసినవారంతా షాక్ అవుతున్నారు. ఎందుకంటే ఈ వీడియోలో సుధీర్ బాబు ఓవర్ వెయిట్‌తో ‘లడ్డు బాబు’ (Laddu Babu) చిత్రంలో నరేష్ మాదిరిగా కనిపించాడు. ఇందులో టీ-షర్ట్, జీన్ ప్యాంట్‌ ధరించినప్పటికీ గెటప్, బాడీ లాంగ్వేజ్ మాత్రం టోటల్లీ డిఫరెంట్‌గా ఉంది.

ఇక ఈ లీక్డ్ వీడియోపై నెటిజన్లు రకరకాలుగా స్పందిస్తున్నారు. కావాలనే లీక్ చేశారని, ఇదంతా పబ్లిసిటీ స్టంట్ అని కొట్టిపారేస్తున్నారు. తెలుగు, తమిళ భాషల్లో విడుదలవనున్న ఈ ‘మామా మశ్చీంద్ర’ చిత్రాన్ని శ్రీ వెంకటేశ్వర సినిమాస్ బ్యానర్‌పై నారాయణదాస్ కె నారంగ్, పుస్కూ్ర్ రామ్మోహన్ రావు భారీ బడ్జెట్‌తో నిర్మి్స్తున్నారు. ఇక ఈ యాక్షన్ ఎంటర్‌టైనర్‌కు చేతన భరద్వాజ్ సంగీతం అందించగా.. పీజీ విందా సినిమాటోగ్రాఫర్‌గా పనిచేశారు.

• Read Latest Tollywood Updates and Telugu News