సందీప్ కిషన్‌కి చిన్న చెడ్డీని బహుమతిగా పంపిన అజ్ఞాత వ్యక్తి

దీని కోసం నేను ఇంటికి వచ్చాను అసలు నాకు నవ్వాలో, పిచ్చి మొఖం వేయాలో అర్థమవ్వటం లేదు. ఎవరికో నా అడ్రస్ ఫోన్ నెంబర్ ఎలా తెలిసింది? అంటూ హీరో సందీప్ కిషన్ కోపంతో కూడిన భయం వల్ల వచ్చిన ఫ్రస్ట్రేషన్‌తో ట్వీట్ చేశాడు.

ఇంతకీ ఎందుకో తెలుసా? సందీప్ కిషన్ పర్సనల్ మొబైల్ నెంబర్‌కు 'అమెజాన్' డెలివరీ బాయ్ కాల్ చేసి సార్ మీకు పార్శిల్ వచ్చింది, నేను మీ ఇంటి బయట ఉన్నాను. బయటకు వచ్చి మీ ఆర్డర్ కలెక్ట్ చేసుకోండి అన్నాడట. అయితే సందీప్ ఏ ఆర్డర్ ఇవ్వలేదు మరి తన కోసం ఎవరు ఆర్డర్ చేశారబ్బా అనుకొని ఎక్కడో బయట ఉన్న తను ఇంటికి వచ్చి తన పార్శిల్ తీసుకొని ఒపెన్ చేశాడట. అందులో ఒక చిన్న చెడ్డీ, హాప్పీ‌క్రిస్ మస్, హాప్పీ న్యూ ఇయర్ అని ఒక గ్రీటింగ్ కార్డు, ఇట్లు రహస్య సాంటా అని రాసి ఉందంట.



సందీప్ తన ఫోన్ నెంబర్, అడ్రస్ ఎవరికీ ఇవ్వలేదంట. మరి అలాంటిది ఒక డెలివరీ బాయ్ వద్దకు తన నెంబర్ ఎలా వచ్చింది.? అంటూ పవర్ స్టార్ పవన్ కళ్యాణ్ లాగా ప్రశ్నిస్తూ ట్విట్టర్‌లో ట్వీటాడు. మరి ఇంతకీ సందీప్‌కి బహుమతి పంపిన ఆ సీక్రెట్ సాంటా ఎవరో? తనకు వచ్చిన ఆ చెడ్డీని వేసుకుంటాడా లేదా అనేది ఆ హీరోనే చెప్పాలి.