బాలయ్య చిరు మధ్యలో వెంకీ!

ఖైదీ నెం.150-గౌతమిపుత్ర శాతకర్ణి సినిమాల ద్వారా చాలా ఏళ్ల తరువాత మెగాస్టార్, బాలయ్యలు సంక్రాంతి బరిలో నిలవడంతో సాధారణ ప్రేక్షకుడి నుండి సెలబ్రిటీల వరకూ ఎంతో ఆసక్తితో ఎదురుచూస్తున్నారు. తాజాగా విక్టరీ వెంకటేష్ సంక్రాంతి కానుకగా కొద్ది రోజుల్లో ప్రేక్షకుల ముందుకు రాబోతున్న చిరు, బాలకృష్ణ సినిమాలపై స్పందించారు.

టాలీవుడ్‌లో చిరంజీవి , బాలయ్యలు నాకు మంచి మిత్రులని వారి సినిమాలు ఎప్పుడెప్పుడు రిలీజ్ అవుతాయని ఎదురుచూస్తున్నానంటూ చిరంజీవి, బాలకృష్ణతో కలిసి దిగిన పాత ఫోటోను ఫేస్ బుక్‌లో పోస్ట్ చేసి వారికి శుభాకాంక్షలు తెలియజేశాడు.

నటనలో ఇద్దరూ ఇద్దరే. ఈ రెండు సినిమాల వల్ల ఈసారి సంక్రాంతి ఘనంగా జరగబోతుంది. వీరిద్దరిని స్క్రీన్ మీద చూడడానికి తహతహలాడుతున్నా. ఈ రెండు సినిమాలు భారీ విజయాన్ని సొంతం చేసుకోవాలని కోరుకుంటున్నా అన్నారు. ఈనెల 11న చిరు ‘ఖైదీ నెం 150’, 12న బాలయ్య ‘గౌతమిపుత్ర శాతకర్ణి’ థియేటర్స్‌లో సందడి చేయనున్నాయి.