విజయ్ దేవరకొండ ఫిల్మ్‌ఫేర్ అవార్డ్ వేలం.. రేటెంత పలికిందో తెలుసా

అర్జున్ రెడ్డి.. టాలీవుడ్‌తో పాటూ యూత్‌లోనూ ఫుల్ జోష్ నింపిన మూవీ. ఈ సినిమాలో అర్జున్ రెడ్డి క్యారెక్టర్‌లో అదరగొట్టిన విజయ్ దేవరకొండ.. ఏకంగా ఫిల్మ్‌ఫేర్ అవార్డును దక్కించుకున్నాడు. ఆ అవార్డును వేలం వేసి వచ్చిన డబ్బును సీఎం రిలీఫ్ ఫండ్‌కు ఇచ్చేస్తానని చెప్పి రియల్ హీరో అనిపించుకున్నాడు. చెప్పినట్లుగానే.. ఈ అవార్డును ఆదివారం వేలం వేశారు. ఇది ఏకంగా రూ.25లక్షల రేటు పలికింది

హైదరాబాద్‌లో జరిగిన కార్యక్రమంలో దివీస్ ల్యాబరేటరీస్ అధినేత కిరణ్ సతీమణి శకుంతల.. విజయ్ దేవరకొండ చేతులు మీదుగా అందుకున్నారు. తర్వాత రూ.25లక్షల చెక్కును ఆమె అందజేశారు. శకుంతల ఈ అవార్డును విజయ్‌కు తిరిగి ఇవ్వబోగా తీసుకోలేదు. ఈ డబ్బును వెంటనే సీఎం రిలీఫ్ ఫండ్‌కు అందజేయనున్నారు. ఈ కార్యక్రమంలో రౌడీ వియర్స్ బ్రాండెడ్ జీన్స్‌ను కూడా లాంచ్ చేశారు.