82 ఏజ్‌లో కండలు తిరిగిన బాడీ.. విశాల్ తండ్రి ఫిట్‌నెస్‌కు నెటిజన్ల ఫిదా

ఇటీవలే కరోనా వైరస్ బారిన పడి కోలుకున్నారు హీరో విశాల్ తండ్రి జీకే రెడ్డి. 82 ఏళ్ల వయసులో కండలు తిరిగి శరీరంతో యువకులకే సవాల్ విసురుతున్న ఆయన తాజాగా తన ఆరోగ్య రహస్యాన్ని వెల్లడించారు. క్రమం తప్పకుండా వ్యాయామం చేయడమే తాను ఇంత వయసులోనూ ఆరోగ్యంగా ఉండగలుతున్నానని చెప్పారు.

Also Read: ‘వి’ రిజల్ట్‌తో నాని భయపడుతున్నాడా?

కరోనా మహమ్మారి కారణంగా ఇంకా బయటకు వెళ్లలేని పరిస్థితి నెలకొందని, దీంతో ఇంట్లోనే ఉండి చిన్నచిన్న వ్యాయామాల ద్వారా శరీరాన్ని ఫిట్‌గా ఉంచుకోవచ్చని జీకె రెడ్డి చెబుతున్నారు. వ్యాయామానికి సంబంధించి ఓ వీడియోను యూట్యూబ్‌లో అప్‌లోడ్ చేశారు. దీన్ని చూసిన నెటిజన్లు 82ఏళ్ల వయసులో ఆయన ఫిట్‌నెస్‌కు ఫిదా అయిపోతున్నారు.

Also Read: బన్సీ సినిమాపైనే ఆశలు పెట్టుకున్న రష్మిక.. అంత ఎగ్జయిట్‌మెంట్ ఎందుకో!

జీకే గ్రానైట్స్‌ కంపెనీ అధినేత అయిన జీకే రెడ్డి గతంలో అనేక సినిమాలకు నిర్మాతగా వ్యవహరించారు. ఆయన కుమారుడు కుమారుడు విశాల్‌ ప్రస్తుతం తెలుగు, తమిళ భాషల్లో హీరోగా కొనసాగుతున్నాడు. ఇటీవల జీకే రెడ్డికి కరోనా సోకడంతో విశాల్ దగ్గరుండి సపర్యలు చేశారు. దీంతో ఆయన కూడా వైరస్ బారిన పడ్డారు. జీకే రెడ్డి తన పేరుతోనే ఓ ఫిట్‌నెస్ సెంటర్‌ను స్థాపించి వ్యాయామ మెళకువలు నేర్పిస్తుంటారు.

Also Read: శాండల్‌వుడ్ డ్రగ్స్ కేసు: స్టార్ జంటకు నోటీసులిచ్చిన పోలీసులు