Vishal Wedding: హీరో విశాల్ పెళ్లి.. చివరికి ప్రేమించిన అమ్మాయితోనే లవ్ మ్యారేజ్.. ఎప్పుడంటే!

హీరో విశాల్ ఫిఫ్టీకి చేరువౌతున్నాడు. ఆయన వయసు వాళ్లంతా పెళ్లి చేసుకుని పిల్లల్ని కని.. వాళ్ల పిల్లల్ని చైల్డ్ ఆర్టిస్ట్‌లుగా లాంచ్ చేస్తుంటే.. విశాల్ మాత్రం లవ్, ఎంగేజ్మెంట్ దగ్గర్లోనే ఆగిపోయాడు. వరలక్ష్మీ శరత్ కుమార్‌తో లవ్ ట్రాక్ ముగిసిన తరువాత.. మన తెలుగు అమ్మాయి అనీషా రెడ్డి- Anisha Alla Reddy (అర్జున్ రెడ్డి, పెళ్లిచూపులు ఫేమ్) తో నిశ్చితార్థం చేసుకున్నాడు. ఆర్నెళ్లు ఆమెతో సహవాసం చేసిన తరువాత ఒకర్నొకరు బాగా అర్ధం చేసుకుని పెళ్లి పీటలు ఎక్కేందుకు సిద్ధం అవుతూ.. నిశ్చితార్ధం చేసుకున్నారు. అయితే కొన్నాళ్లకు ఏమైందో ఏమో కానీ.. హుష్ గప్ చిప్ అయిపోయారు. ఆ తరువాత అనీషా రెడ్డి ఓ బిజినెస్‌మేన్‌ని పెళ్లాడిందనే వార్తలు బయటకు వచ్చాయి. ఆ తరువాత వీరి నిశ్చితార్ధం పొటోలు వీడియోలు వారి వారి ఖాతాల నుంచి డిలీట్ అయ్యాయి.

ఇక ఈ మధ్య కాలంలో పెళ్లి ఊసు ఎత్తని విశాల్.. తాజాగా మరోమారు పెళ్లివైపుకి మళ్లాడు. మన తెలుగులో మా అధ్యక్షుడు మంచు విష్ణు.. మా బిల్డింగ్ తన డబ్బుతోనే కడతానని ఎలాగైతే శపథం చేశారో.. తమిళ్‌లో విశాల్ కూడా ఇదే తరహా శపథం చేశాడు. అయితే ఈ శపథాన్ని తన పెళ్లితో లింక్ చేసుకున్నాడు. నడిగర్‌ సంఘం బిల్డింగ్ కట్టించాకే పెళ్లి చేసుకుంటానని శపథం చేశారు విశాల్‌. ఆ ప్రయత్నాలు జరుగుతుండగా.. పెళ్లి ప్రయత్నాలు కూడా మొదలుపెట్టాడు విశాల్.

అయితే పెద్దలు కుదిర్చిన వివాహాలు మనకి కలిసి రావంటూ.. లవ్ మ్యారేజ్ చేసుకోబోతున్నట్టు పెళ్లి కబురు చెప్పాడు. అంతే కాదండోయ్.. ఆల్రెడీ ఒక అమ్మాయితో లవ్‌లో ఉన్నానని.. త్వరలోనే ఆమె ఎవరన్న విషయాన్ని రివీల్ చేస్తానని సస్పెన్స్‌‌లో పెట్టేశాడు. అయితే త్వరలోనే పప్పన్నం పెట్టబోతున్నట్టు చెప్పకనే చెప్పేశాడు విశాల్.