Lavanya Tripathi: అనాథ విద్యార్థుల‌తో లావ‌ణ్య త్రిపాఠి.. మంచి మ‌న‌సు చాటుకున్న హీరోయిన్‌

Lavanya Tripathi: హీరోయిన్ లావణ్య త్రిపాఠి తన మంచి మనసు చాటుకున్నారు. అమ్మనాన్నలను దూరం చేసుకుని అనాథ గృహంలో ఉంటూ చదువుకుంటున్న విద్యార్థులతో కాసేపు గడిపారు. ఎందరో అనాథలకు ఆశ్రయం కల్పించి జీవితంలో స్థిరపడేలా తీర్చదిద్దుతున్న ఎల్బీనగర్‌లోని అనాథ విద్యార్థి గృహం గురించి తెలుసుకున్న లావణ్య త్రిపాఠి మంగళవారం అక్కడికి వెళ్లి అందరితో సరదాగా గడిపారు.

అనాథ విద్యార్థి గృహం నిర్వాహకుడు మార్గం రాజేష్‌ అక్కడి సంగతులను వివరించగా ఆమె శ్రద్ధగా విన్నారు. విద్యార్థులతో ముచ్చటించి భావోద్వేగానికి గురయ్యారు. విద్యార్థుల జీవితాలు.. వారి ఆత్మస్థైర్యం తనకెంతో స్ఫూర్తిని కలిగించాయని ఆనందం వ్యక్తం చేశారు. విద్యార్థులతో కలిసి అక్కడే భోజనం చేశారు. అనంతరం అనాథ విద్యార్థి గృహంలో పిల్లలకు కావాల్సిన అత్యవసర మందులను కానుకగా అందించారు.

ఈ సందర్భంగా విద్యార్థులు అడిగిన పలు ప్రశ్నలకు లావణ్య త్రిపాఠి సమాధానమిస్తూ.... తమ కుటుంబం నుంచి ఎవరూ సినీ పరిశ్రమతో సంబంధం లేకున్నా 11 ఏళ్లు ఎన్నో ఒడుదొడుకులు ఎదుర్కొంటూ నటిగా ఎదిగానని వివరించారు. తనకు అవకాశాలు ఇచ్చిన దర్శకులు, ఆదరించిన ప్రేక్షకులకు ప్రత్యేక కృతజ్ఞతలు తెలిపారు. చదుకునేటప్పుడు తాను కూడా హాస్టల్‌లో ఉన్నానని... భోజనం సరిగా ఉండేది కాదని గుర్తుచేసుకున్నారు. ఇక్కడి విద్యార్థులకు ఆహారం రుచిగా వండిపెట్టాలని వంటచేసే వాళ్లకు సూచించారు

ఇక యాక్టింగ్ విషయానికి వ‌స్తే.. సినిమాల‌తో పాటు బుల్లి తెర‌పై కూడా మెప్పించింది. మ్యూజిక్ వీడియోస్‌లోనూ అల‌రించింది. ఇప్పటి వ‌ర‌కు హీరోయిన్‌గా మెప్పించిన లావ‌ణ్య త్రిపాఠి రీసెంట్‌గా ‘పులి మేక’. స‌స్పెన్స్ థ్రిల్ల‌ర్‌గా ఈ ఒరిజిన‌ల్ ద్వారా ఆడియెన్స్‌ను ఆక‌ట్టుకుంది. ఇందులో ఆమెనే ప్ర‌ధాన పాత్ర‌. ఐపీఎస్ ఆఫీస‌ర్ రోల్‌లో క‌నిపించి ఆక‌ట్టుకుంది. త్వ‌ర‌లోనే దీనికి సీక్వెల్‌గా పులి మేక 2 కూడా రూపొంద‌నుంద‌నే వార్త‌లు వినిపిస్తున్నాయి.

Akhil - Agent: ఊపేసిన ఊర్వశీ రౌతేలా.. ‘వైల్డ్ సాలా..’ సాంగ్ వచ్చేసింది
Payal Rajput: ఒంటిపై నూలు పోగు లేకుండానే పాయల్ రాజ్‌పుత్.. బోల్ట్ ఫొటో వైరల్

Virupaksha Collections: ‘విరూపాక్ష’ 4 రోజుల క‌లెక్ష‌న్స్‌ వివరాలు..లాభాల బాటలో మిస్టికల్ థ్రిల్లర్

R.Narayana Murthy: ఏపీ, తెలంగాణ స‌హా పేప‌రు లీకేజీల‌పై ఆర్‌.నారాయ‌ణ మూర్తి సినిమా

Alia Bhatt: కోట్లు ఖ‌ర్చు పెట్టి ఇల్లు కొన్న అలియా భ‌ట్‌.. కొత్త వ్యాపారం కోస‌మేన‌ట‌!

Read Latest Tollywood Updates and Telugu News