ఇలా ఆరబోసి.. వెళ్లవయ్యా వెళ్లూ అంటే పోతారా.. సదా?

‘జయం’ మూవీలో వెళ్లవయ్యా.. వెళ్లు.. వెళ్లూ అంటూ లంగా ఓణి కట్టుకుని కుర్రకారు మదిలో సదా చేసిన గజ్జెల సౌండ్ చానాళ్లు టాలీవుడ్ రీసౌండ్ వచ్చింది. తేజ దర్శకత్వంలో వచ్చిన ఆ మూవీలో సదా తన అందచందాలతో ప్రేక్షకులకు గాలం వేసి.. వరుస ఆఫర్స్‌ను కొట్టేసింది. అయితే ఆ తరువాత కాలంలో అమ్ముడు ఖాతాలో సరైన హిట్ పడలేదు. ‘అపరిచితుడు’ మూవీలో తళుక్కున మెరిసినప్పటికీ అమ్మడు కెరియర్‌కి మాత్రం ఆ మూవీ ఉపయోగపడలేదు. దీంతో కోలీవుడ్‌కి పయనం అయ్యింది ఈ భామ.

వాస్తవ పరిస్థితుల నేపథ్యంలో ఓ వేశ్య జీవితంలో జరిగిన సంఘటనల ఆధారంగా ‘టార్చ్ లైట్’ అనే మూవీ తెరకెక్కుతోంది. ఈ మూవీలో వేశ్యగా నటించనుంది సదా. కాగా ఇటీవల విడుదలైన ఫస్ట్ లుక్ పోస్టర్‌లో సదా బ్యాక్ లుక్ అందాలను ఆరబోస్తూ చూపుతిప్పుకోకుండా చేసేసింది. వేశ్య పాత్రలో జీవించేందుకు సర్వశక్తులూ ఒడ్డుతున్నట్లు సదా ఫస్ట్ లుక్‌ని బట్టి తెలుస్తోంది. కాగా ఈమూవీ తమిళంతో పాటు తెలుగులోనూ విడుదల కావాల్సిఉండగా.. కేవలం తమిళ్ ఫస్ట్ లుక్‌ని మాత్రమే విడుదల చేశారు.

అయితే గతంలో అనుష్క, శ్రియ, చార్మిలు వేశ్య పాత్రలు చేసి మెప్పించగా.. బోల్డ్ కంటెంట్ ఉన్న పాత్రలో నటించేందుకు సదా రెడీ కావడంతో ‘టార్చ్ మూవీ’ ఎలా ఉండబోతుందనేది ఆసక్తిగా మారింది.