అజ్ఞాతవాసి ముందున్న రికార్డులివే!

ఒకవైపు తెలుగు రాష్ట్రాల్లో అజ్ఞాతవాసి ప్రీమియర్స్ చర్చనీయాంశంగా మారాయి. తెలంగాణలో ఇవి ఆఖరి నిమిషంలో క్యాన్సిల్ అయ్యాయి. ఏపీలో మరి కొన్ని గంటల్లో మొదలుకానున్నాయి. ఇక ఇదే సమయంలో యూఎస్ ప్రీమియర్స్ కూడా ఈ సినిమాకు అత్యంత కీలకమైనవే. భారీ ధర పెట్టి టికెట్లు అమ్ముకుని సొమ్ము చేసుకోగల అవకాశం ఉన్న చోట ఈ సినిమా ఎంత సాధిస్తుంది? అనేది ఆసక్తిదాయకమైన అంశం. ఈ విషయంలో పవన్ కల్యాణ్ ముందు పలు రికార్డులున్నాయి. వాటి జాబితాను పరిశీలిస్తే...

ఫస్ట్ ప్లేస్ లో ‘బాహుబలి-2’ ఉంటుంది. ఈ సినిమా యూఎస్ ప్రీమియర్స్ లో రెండు మిలియన్ డాలర్ల వసూళ్లను సాధించింది. అయితే ఈ సినిమా తెలుగుతో పాటు హిందీ, తమిళ, మలయాళ భాషల్లో కలిపి ఈ వసూళ్లు వచ్చాయి.

చదవండి: ‘అజ్ఞాతవాసి’ సినిమా రివ్యూ

రెండో స్థానంలో ‘కబాలి’ ఉంది. ఈ సినిమా 1.92 మిలియన్ డాలర్ల వసూళ్లను సాధించింది. ఇది కూడా బహు భాషల సినిమానే. ఇక బాహుబలి 1.34 మిలియన్ డాలర్ల వసూళ్లను సాధించింది. మెగాస్టార్ రీ ఎంట్రీ సినిమా ఖైదీ - 150, 1.29 మిలియన్ డాలర్ల వసూళ్లను సాధించింది.

ఇవీ యూఎస్ ప్రీమియర్స్ లో భారీ వసూళ్లను సాధించిన సౌతిండియా సినిమాలు. ఈ వసూళ్ల రికార్డ్స్ లో అజ్ఞాతవాసి దేన్ని రీచ్ అవుతుందో చూడాలి!