'ఖాకి' తెలంగాణ పోలీసులకి తెగ నచ్చిందట!

కార్తి, రకుల్ ప్రీత్ సింగ్ జంటగా తెరకెక్కిన ఖాకీ సినిమా చూసిన తెలంగాణ పోలీసులు ఆ చిత్ర యూనిట్‌ని అభినందనల్లో ముంచెత్తారట. హైదరాబాద్ శివార్లలోని రాజ బహదూర్ వెంకట్రామ్ రెడ్డి తెలంగాణ పోలీసు అకాడమితోపాటు ప్రసాద్ ల్యాబ్స్‌లో శనివారం, ఆదివారం ప్రత్యేకంగా ఏర్పాటు చేసిన ప్రీమియర్స్ చూసిన దాదాపు 1500 మంది పోలీసు అధికారులు సినిమా రియాల్టీకి దగ్గరిగా వుందని కితాబిచ్చారని తెలుస్తోంది.

ఎస్సైలు, శిక్షణలో వున్న పోలీసులతో కలిసి ఈ సినిమా చూసిన ఏసీపీ సమీర్... సినిమాలో ట్రైనింగ్ సీన్స్, ఇన్వెస్టిగేషన్ సీన్స్ చాలా బాగున్నాయని, పోలీసుల కర్తవ్యాన్ని చూపించిన తీరు బాగుందని సంతృప్తి వ్యక్తంచేశారని సమాచారం.

తమిళనాడులో 1995-2005 మధ్య కాలంలో కొంతమంది మోస్ట్ వాంటెడ్ క్రిమినల్స్‌ని పట్టుకునేందుకు జరిగిన ఆపరేషన్స్‌లో ఆ రాష్ట్ర పోలీసులు ప్రదర్శించిన ధైర్య సాహసాలు, పడిన కష్టాలు, శ్రమని ఇనిస్పిరేషన్‌గా తీసుకుని తెరకెక్కించిన ఖాకీ సినిమా రియల్ ఖాకీలకి కూడా మంచి ఇన్‌స్పిరేషన్‌ని ఇచ్చిందట!