‘శ్రీరెడ్డి’ మార్ఫింగ్ వీడియో... పవన్‌పై కేసులు!

నటుడు, జనసేన అధినేత పవన్ కళ్యాణ్.. మార్ఫింగ్ చేసిన వీడియోలను ట్విట్టర్లో పెట్టి తమ చానెల్ పరువు ప్రతిష్ఠలకు భంగం కలిగించేలా వ్యవహరించాడని ‘ఏపీఎన్ - ఆంధ్రజ్యోతి’ సీసీఎస్ పోలీసులకు ఫిర్యాదు చేసిన సంగతి తెలిసిందే. దీనిపై ప్రాథమిక ఆధారాలు లభించడంతో పోలీసులు ఆయనపై కేసులు నమోదు చేశారు.

ఇటీవల నటి శ్రీరెడ్డి మీడియాతో మాట్లాడుతూ.. పవన్‌ కల్యాణ్‌, ఆయన తల్లిని దూషించిన సంగతి తెలిసిందే. అయితే, ఆ వీడియోలను తాము ఎడిట్ చేసి, అభ్యంతర వ్యాఖ్యలను బీప్ చేశామని ‘ఏబీఎన్ - ఆంధ్రజ్యోతి’ పోలీసులకు వివరించింది.

అయితే, పవన్ కళ్యాణ్ ఆమె దూషణలను నేరుగా ప్రసారం చేశారంటూ ఆందోళన వ్యక్తం చేసిన పవన్‌ కళ్యాణ్.. శ్రీరెడ్డి తిడుతున్న వీడియోలను ట్విట్టర్లో పెట్టారు. అవి తాము ప్రసారం చేసినవి కావని, అవి మార్ఫింగ్ చేసినవని సదరు చానెల్ సీసీఎస్ పోలీసులకు ఫిర్యాదు చేయగా ఆ కేసును బంజారాహిల్స్ పోలీస్ స్టేషన్‌కు బదిలీ చేశారు.

ఈ మేరకు పోలీసులు ఐపీసీ 469, 504, 506 సెక్షన్ల కింద శుక్రవారం కేసులు నమోదు చేసినట్లు ‘ఏబీఎన్‌-ఆంధ్రజ్యోతి’ ఓ కథనంలో వెల్లడించింది.