అబ్బే ఎన్టీఆర్ బయోపిక్‌లో లేను: నటి

తను ఎన్టీఆర్ బయోపిక్‌లో నటిస్తున్నట్టుగా వస్తున్న వార్తలను ఖండించింది నటి రాశీ ఖన్నా. ఎన్టీఆర్ బయోపిక్‌లో స్టార్ కాస్ట్ భారీ ఎత్తున ఉండనుందని... చాలా మంది యంగ్ హీరోయిన్లు అలనాటి హీరోయిన్ల పాత్రలను చేయబోతున్నారని వార్తలు వస్తున్న సంగతి తెలిసిందే. ఎన్టీఆర్‌తో సూపర్ హిట్ పెయిర్ అయిన సావిత్రి, శ్రీదేవి, జయప్రద వంటి వారి పాత్రలు బయోపిక్‌లో ఉండబోతున్నాయని వార్తలు వస్తున్నాయి.

అందులో భాగంగా శ్రీదేవి పాత్రకు రకుల్ ప్రీత్, జయప్రద పాత్రకు రాశీ ఖన్నాలను సెలెక్ట్ చేశారని మీడియాలో గాసిప్స్ గుప్పుమన్నాయి. దీనిపై రాశీ ఖన్నా స్పందించింది. తను ఎన్టీఆర్ బయోపిక్‌లో నటిస్తుండటం అబద్ధమని ఆమె స్పష్టం చేసింది. తనను ఆ సినిమా రూపకర్తలు అస్సలు సంప్రదించింది కూడా లేదని ఆమె అంటోంది.

ఈ విధంగా రూమర్లకు చెక్ పెట్టే ప్రయత్నం చేసింది ఈ నటీమణి. తను ప్రస్తుతం క్రాంతిమాధవ్ దర్శకత్వంలో రూపొందే సినిమాలో నటించబోతున్నాను అని, విజయ్ దేవరకొండ హీరోగా చేస్తున్న ఆ సినిమాలో నటిస్తుండటం ఆనందంగా ఉందని రాశీ అంటోంది. సినిమాను బాగా ప్రేమించే హీరోల్లో విజయ్ దేవరకొండ ఒకరని.. అతడితో పని చేయడం ఆనందమని అంటోంది. అందులో తనది నటనకు ప్రాధాన్యత ఉన్న పాత్ర అని చెప్పుకొచ్చింది.

రాశీ ఖన్నా లేటెస్ట్ పిక్స్ కోసం ఇక్కడ క్లిక్ చేయండి