కత్రినాకు ఫోన్ చేసి కోప్పడిన రణ్‌బీర్ కపూర్

ఒకప్పుడు మంచి లవ్ బర్డ్స్‌గా పేరు తెచ్చుకున్న రణ్‌బీర్ కపూర్‌కి కత్రినా కైఫ్‌కి ప్రస్తుతం పూర్తిగా చెడింది. ఒకరంటే ఒకరికి పడటం లేదనేది నిత్యం మీడియాలో చూస్తున్న సంగతే. ఇటీవల వీళ్లిద్దరూ కలిసి నటించిన అప్‌కమింగ్ మూవీ జగ్గా జాసూస్ ప్రమోషన్స్ కోసం హాజరైన కత్రినా కైఫ్.. ఇకపై తాను రణ్‌బీర్ కపూర్‌తో కలిసి పనిచేసే ఉద్దేశంలో లేనట్టు తెలిపారని మీడియాలో వచ్చిన ఓ వార్త సంచలనం సృష్టించింది. కత్రినా కైఫ్ పబ్లిగ్గా అలా చెప్పేసిందా అంటూ బాలీవుడ్ సైతం ముక్కున వేలేసుకుంది. ఇండస్ట్రీలో టాక్ ఆఫ్ ది టౌన్ అయిన ఈ ఘటన గురించి రణ్‌బీర్ కపూర్‌ని సైతం అడిగి తెలుసుకునే ప్రయత్నం చేసింది బాలీవుడ్ మీడియా.

అయితే, కత్రినా కైఫ్ కామెంట్స్‌పై మీ అభిప్రాయం ఏంటని రణ్‌బీర్ కపూర్‌ని అడిగితే కానీ అసలు విషయం వెలుగులోకి రాలేదు. మీడియాలో వస్తున్న వార్తలు చూసి తీవ్ర అసహనానికి గురైన రణ్‌బీర్ వెంటనే కత్రినాకి ఫోన్ చేసి కోప్పడ్డాడట. కానీ అటువైపు నుంచి కత్రినా మాత్రం తాను అటువంటి వ్యాఖ్యలు చేయలేదనే వివరణ ఇచ్చిందట. అదండీ అసలు సంగతి! ఎవరో ఏదో అన్నారని రణ్‌బీర్ కపూర్ ఆమెపై కోప్పడ్డాడట కానీ అందులో అసలు వాస్తవమే లేదని ఆలస్యంగా అర్థమైంది అతడికి.

ఇదిలావుంటే, రణ్‌బీర్ కపూర్ వ్యాఖ్యల్లో ఎంత నిజం వుందనేది మాత్రం ఎవరికి తెలుసు అని అనుమానించే వాళ్లూ లేకపోలేదు. కేవలం డ్యామేజ్ కంట్రోల్ కోసం కూడా రణ్‌బీర్ కపూర్ అలా చెప్పి వుండవచ్చు కదా అనేది వాళ్ల అభిప్రాయం!