లెస్బియన్ అనుభవాల్లేవ్.. హీరోయిన్ క్లారిటీ!

‘నాకు లెస్బియన్ అనుభవాలు ఏమీ లేవు.. ’ అని నవ్వుతూ చెప్పింది నిత్యా మీనన్. తాజా సినిమా ‘అ!’లో ఆ తరహా పాత్రలో అగుపించిన నిత్య ఆ పాత్రను ఛాలెంజింగ్ తీసుకుని చేశానని అంటోంది. సాధారణ రొమాంటిక్ సీన్లలో నటించడం వేరు, ఆ తరహాలో కనిపించడం వేరు.. అని నిత్య ఒప్పుకుంది.

ఈ సినిమా కథను వినప్పుడు తనలోనే ఈ విషయంలో కొంత టెన్షన్ కలిగిందని నిత్య చెప్పుకొచ్చింది. అయితే కెమెరా ముందుకు రాగానే ఈజీగా చేసేశాను అని వివరించింది. అమ్మాయిల సెక్సువల్ ఓరియెంటేషన్ గురించి మాట్లాడుకోవడం ఒక సరదా విషయమే అని వ్యాఖ్యానించింది. అయితే ఈ విషయాలు తల్లిదండ్రులను ఇబ్బంది పెట్టగలవని చెప్పింది.

కథలను ఆచితూచి ఎంచుకొంటూ ఉన్నాను అని అంటోంది ఈ మలయాళీ భామ. ఒకప్పుడు అయితే తనకు ఇలాంటి అవకాశం ఉండేదని కాదని, ఇప్పుడు మాత్రం ఎంచక్కా కథను పూర్తిగా విని, పాత్ర నచ్చితేనే చేస్తున్నాను అని చెబుతోంది.

కెరీర్ ఆరంభంలో మలయాళ స్టార్ హీరోల సినిమాల్లో అవకాశాలు వచ్చాయని, అయితే వాళ్లు కథ, పాత్రల గురించి తనకు ఏం చెప్పలేదని.. దీంతో వాటిని చేయడానికి తిరస్కరించాను అని నిత్య వివరించింది. ఒకటీ రెండు సినిమాల్లో నటించిన నటీమణులకు కథ వినే అవకాశాలు ఉండవని పరిశ్రమలో పరిస్థితిని గురించి వివరించింది.

See Pics: బ్యూటిఫుల్ నిత్యా మీనన్