Pawan Kalyan: పవన్ ఎవరు? బాలయ్యతో పెట్టుకుంటే మడతే.. నోరు పారేసుకున్న నటి

వివాదాస్పద నటి శ్రీరెడ్డి మరోసారి నోరు జారారు. పవన్ కళ్యాణ్‌ను టార్గెట్ చేస్తూ వివాదాస్పక కామెంట్స్ చేశారు. పవన్ కళ్యాణ్ ఎవరో నాకు తెలియదు అంటూ సంచలన కామెంట్స్ చేశారు. మెగా బ్రదర్ నాగబాబు గత కొంతకాలంగా నందమూరి బాలకృష్ణను టార్గెట్ చేస్తూ విమర్శలు గుప్పిస్తున్న తరుణంలో ఈ వివాదాన్ని మరింత రాజేస్తూ.. ‘బాలయ్యతో పెట్టుకుంటే మడత పెట్టేస్తాం’ అంటూ ఫేస్ బుక్‌లో వీడియోని పోస్ట్ చేసింది శ్రీరెడ్డి.

ఈ వీడియోలో శ్రీరెడ్డి మాట్లాడుతూ.. ‘చాలా మంది పవన్ గురించి మాట్లాడండి అంటున్నారు. పవన్ బార్న్‌వాల్ గురించి తెలుసు ఆయన మంచి పెయింటర్ ఏ పెయింట్ అయినా అలవోకగా వేసేస్తారు. ఆ పవన్ తప్ప నాకు మరే పవన్ కళ్యాణ్ తెలియదు అంటూ సంచలన కామెంట్స్‌తో వచ్చేసింది వివాదాస్పద నటి శ్రీరెడ్డి. నాకు తెలిసింది ఆ పవన్. ఇక ఆయనతో పాటు చాలా మంది పవన్‌లు ఉంటారు. పిచ్చి పిచ్చి మాటలు మాట్లాడే నార్మల్ పర్సన్స్ చాలా మంది ఉంటారు. వాళ్లు ఎవరో తనకు తెలియందంటూ వ్యంగాస్త్రాలు విసిరింది శ్రీరెడ్డి.