నేనే తప్పు చేశా: సూర్య!

సూర్య హీరోగా గౌతమ్ మీనన్ దర్శకత్వంలో 'ధ్రువ నక్షత్రం' అనే సినిమాను గతంలో ప్లాన్ చేసారు. కానీ కొన్ని కారణాల వలన గౌతమ్ మీనన్ ఆ ప్రాజెక్ట్‌ను కాస్త ఆలస్యం చేశారు. దీంతో సూర్య కోపంతో ఆ ప్రాజెక్ట్ నుంచి నేను తప్పుకుంటున్నా.. అని అప్పట్లోనే ఓ స్టేట్మెంట్ ఇచ్చేశాడు. ఇక వీరిద్దరి కాంబినేషన్‌లో ఆ సినిమా రావడం ఇక జరిగే పని కాదని అందరూ అభిప్రాయపడ్డారు. కానీ తాజాగా ఈ సినిమా తెరకెక్కనున్నట్లు సమాచారం.

తొందరపడి తాను ఆరోజున అలా బహిరంగ ప్రకటన ఇచ్చానని.. కానీ తాను అలా చేసి ఉండకూడదని సూర్య అన్నాడు. గౌతమ్ మీనన్ తనకు రెండు సినిమాలు ఇచ్చారని.. ఆయన విషయంలో అలా వ్యవహరించడం నా తప్పేనని చెప్పాడు. తమ మధ్య మనస్పర్ధలు తొలగిపోయాయని, 'ధృవ నక్షత్రం' సినిమా మొదలు పెట్టాలనుకుంటున్నట్లు తెలిపారు. అతి త్వరలో ఈ సినిమా సెట్స్ పైకి వెళ్లనున్నట్లు సమాచారం. సూర్య ప్రస్తుతం విఘ్నేశ్ శివన్ దర్శకత్వంలో 'తానా సేర్నద కూటం' అనే సినిమాలో నటిస్తున్నాడు. అలానే తన సొంత ప్రొడక్షన్‌లో వేరే హీరోలతో సినిమాలు చేయడానికి ప్లాన్ చేస్తున్నాడు.