నటి అనుపమ కోసం ఎగబడ్డ బ్యాడ్ బాయ్స్!

‘నేను బ్యాడ్ బాయ్‌ని, నా ఫ్రెండ్స్ అందరూ బ్యాడ్ బాయ్ అని పిలుస్తారని.. నన్ను పెళ్లి చేసుకోవాలంటూ’ నటి అనుపమా పరమేశ్వరన్‌కు కుర్రకారు తెగ పోస్టులు చేస్తోంది. ఇప్పుడు అనుపమ పెళ్లి గోల ఎందుకంటారా.. నటి చేసిన ఓ ట్వీట్ అందుకు కారణం. తనకు ఎలాంటి అబ్బాయి అంటే ఇష్టమో, అతడి ఎలాంటి క్వాలిటీస్ ఉండాలో అనుపమ చేసిన పోస్ట్‌కు భారీగా రీట్వీట్లు, లైక్స్ వస్తున్నాయి. దీంతో అనుపమ పోస్ట్ వైరల్ అవుతోంది.


అనుపమ నటిగా బిజీగా ఉంటూనే తన ఫాలోయర్ల కోసం అప్పుడప్పుడూ తన క్యూట్ ఫొటోలు పోస్ట్ చేస్తుంటుంది. ఈ క్రమంలో శనివారం ఓ ట్వీట్ చేసింది. ‘నాకు ఎలాంటి అబ్బాయి అంటే ఇష్టమో తెలుసా. బ్యాడ్ బాయ్స్‌ని నేను ఇష్టపతాను. కానీ అతడికి మహిళలను ఓ మహారాణిలాగా చూసుకోవడం తెలిసి ఉండాలంటూ’ కుర్రకారును కవ్విస్తూ తాను సిగ్గుపడుతున్న ఫొటోను పోస్ట్ చేసింది. ఇక అది మొదలు అనుపమకు రీట్వీట్ల వర్షం కురుస్తోంది.


‘నేను బ్యాడ్ అనే పదానికి డాడీలాంటి వాడ్ని, నిన్ను మహారాణిలా చూసుకుంటానని’ ఓ నెటిజన్ పోస్ట్ చేశాడు. నువ్వు వెతుకుతున్నది నా కోసమే. ఈ బ్యాడ్ బాయ్‌కి ఆడవాళ్లను మహారాణిలా చూసుకోవడం తెలుసునంటూ కామెంట్లు వెల్లువెత్తుతున్నాయి.


కాగా, ఇండస్ట్రీలోకి వచ్చిన తక్కువ కాలంలోనే అనుపమ పరమేశ్వరన్ గుర్తింపు తెచ్చుకున్నారు. హోమ్లీ పాత్రల్లో కనిపిస్తూ తన క్యూట్ లుక్స్‌తో ఆకట్టుకుంటోంది. ప్రస్తుతం కన్నడ స్టార్ హీరో పునీత్ రాజ్‌కుమార్ హీరోగా పవన్ వడయార్ తెరకెక్కిస్తున్న 'నట సార్వభౌమ' చిత్రంలో నటిస్తోంది అనుపమ.