విడాకులు పెళ్లికే.. ప్రేమకు కాదంటున్న హీరోయిన్

వారిద్దరూ సినీరంగంలో స్టార్‌డమ్ సంపాదించుకున్న హీరో, డైరెక్టర్. సినిమాలకు కలిసి పని చేస్తున్న క్రమంలో ప్రేమలో పడ్డారు. అది పెళ్లికి దారి తీసింది. కొన్నాళ్లపాటు బాగానే ఉన్నారు. కానీ ఏమైందో తెలియదు రెండేళ్లకే విడాకులు తీసుకున్నారు. అనంతరం ఆమె సినిమాల మీద దృష్టి పెట్టింది. విడాకులు తీసుకున్నా గానీ భర్తపై ప్రేమ తగ్గలేదని చెప్పింది. ఇప్పటికే ఆమె ఎవరో మీకు అర్థమైంది కదా. ఆమే అమలాపాల్. మతాలు వేరైనా పెద్దలను ఒప్పించి వివాహం చేసుకున్న వీరు తదనంతరం విడిపోయారు. కానీ విజయ్‌ను జీవితాంతం ప్రేమిస్తూనే ఉంటానని అమలా చెప్పడం విశేషం.

ప్రస్తుతం అమల హాట్ ఫోటో షూట్లతో బిజీగా ఉంది. తాజాగా ఓ ఇంటర్వ్యూలో విజయ్ ఈ తరహా కామెంట్స్ చేసింది. విజయ్, అతడి కుటుంబ సభ్యులు పెట్టే నిబంధనల కారణంగానే ఆమె విజయ్ నుండి విడిపోయిందని అందరూ అనుకున్నారు. కానీ 'విజయ్‌ను నేను ఎప్పటికీ.. జీవితాంతం ప్రేమిస్తూనే ఉంటాను. అతడితో విడిపోవాలన్న నిర్ణయం నా జీవితంలో తీసుకున్న అత్యంత కఠిన నిర్ణయం. ఈ పరిణామాలు నా జీవితంలో పాఠాలు'' అంటూ వ్యాఖ్యానించింది.