I Proud To Be Born In Kamma Caste But I Don't Have Caste Feeling, Says Posani Krishna Murali
‘కమ్మ’నైనందుకు గర్విస్తున్నా.. బాబుకి కమ్మ ఫీలింగ్ ఉంటే ఎన్టీఆర్ని ఎందుకు చంపుతాడు: పోసాని
టీవీ 9లోప్రసారం అయ్యే ఎన్ కౌంటర్ కార్యక్రమానికి మంచి వ్యూవర్ షిప్ ఉంది. తాజాగా ఈ కార్యక్రమంలో పాల్గొన్నారు సీనియర్ రచయిత, దర్శకుడు, నటుడు పోసాని కృష్ణ మురళి. వైసీపీ పార్టీ విధేయుడిగా ఉన్న ఆయన గత కొంత కాలంగా పార్టీకి దూరంగా ఉన్నారనే వార్తలు వస్తున్నాయి. 30 ఇయర్స్ ఇండస్ట్రీ పృథ్వీ ఫోన్ కాల్ ఎపిసోడ్లో పోసాని రియాక్ట్ అయిన విధానమే ఆయన్ని పార్టీకి దూరం చేశాయన్న వార్తలపై పోసాని రియాక్ట్ అవుతూ ఆసక్తికరమైన విషయాలను తెలియజేశారు.
Samayam Telugu2 Mar 2020, 7:03 pm
టీవీ 9లోప్రసారం అయ్యే ఎన్ కౌంటర్ కార్యక్రమానికి మంచి వ్యూవర్ షిప్ ఉంది. తాజాగా ఈ కార్యక్రమంలో పాల్గొన్నారు సీనియర్ రచయిత, దర్శకుడు, నటుడు పోసాని కృష్ణ మురళి. వైసీపీ పార్టీ విధేయుడిగా ఉన్న ఆయన గత కొంత కాలంగా పార్టీకి దూరంగా ఉన్నారనే వార్తలు వస్తున్నాయి. 30 ఇయర్స్ ఇండస్ట్రీ పృథ్వీ ఫోన్ కాల్ ఎపిసోడ్లో పోసాని రియాక్ట్ అయిన విధానమే ఆయన్ని పార్టీకి దూరం చేశాయన్న వార్తలపై పోసాని రియాక్ట్ అవుతూ ఆసక్తికరమైన విషయాలను తెలియజేశారు.
జగన్ మీద అలక..
ఏపీ ముఖ్యమంత్రి జగన్ మీద నేను అలగడం ఏంటి? ఆయన నా మీద అలగడం ఏంటి? ఇలాంటివి నా జీవితంలో జరగని పని. ఎన్నికల సమయంలో నేను యాక్టివ్గా ఉన్నా.. కాని ఎన్నికల తరువాత సైలెంట్ అయ్యాననే వార్తల్లో వాస్తవం లేకపోలేదు. ఎందుకంటే.. జగన్ గారి క్యాంపెయిన్లో నేను ఉన్నప్పుడు ఏం చెప్పానంటే.. ఒక్కసారి జగన్ గారికి అవకాశం ఇవ్వండి.. లైఫ్లో ఓటు వేయండి అని నేనే మిమ్మల్ని అడగను. ఎందుకంటే.. ఆయన అంత బాగా పరిపాలిస్తారు. మళ్లీ మళ్లీ మీరే ఆయన్ని ఓటు వేసి గెలిపిస్తారని చెప్పా. ప్రజల దీవెన వల్ల జగన్ ముఖ్యమంత్రి అయ్యరు.. ఆయన ముఖ్యమంత్రి అయిన తరువాత ఆయన పక్కనే ఉండి జగన్ గారి గురించి నేను ప్రజలకు కొత్తగా ఏం చెప్పాలి.
నాకు పదవా? నేను కోరుకుంటే జగన్ గారూ!!
ఎలక్షన్కి ఇంకా ఐదారు నెలలు ఉండగా.. ఇంకా ఎమ్మెల్యే టికెట్లు ప్రకటించకుండా ఉన్న టైంలోనే వైఎస్ జగన్ మోహన్ రెడ్డిగారు.. ఆయన వ్యక్తిగత సలహాదారులను ఇద్దర్ని మా ఇంటికి పంపించారు. సాక్షి టీవీ జర్నలిస్ట్ కూడా ఉన్నారు. అమ్మతోడుగా నేను చెప్తున్నా.. కావాలంటే నార్కో టెస్ట్లు చేసుకుని లైవ్ ఇస్తాం అన్నా నేను రెడీ. నేను అబద్ధం చెప్పడం లేదు. ప్రశాంత్ కిషోర్ ఇచ్చిన రిపోర్ట్లో కూడా నేను పార్టీ తరుపున పోటీ చేయాలని చెప్పారు. నా దగ్గరకు వచ్చిన ఆ ఇద్దరూ.. అన్నా!! జగన్ అన్న పంపారు.. మీకు ఎమ్మెల్యే టికెట్ కావాలా? ఎంపీ టికెట్ కావాలా? రాజ్యసభ ఇంట్రస్టా అని అడగమన్నారని చెప్పారు. అప్పుడు నేను చెప్పా.. బతికి ఉన్నంత కాలం నేను కనిపిస్తే ప్రేమగా చూడమనండి చాలు. నాకేం వద్దు. సర్వీస్ చేస్తా.. నేను చచ్చే వరకూ జగన్ గారిపై ఉన్న అభిమానం పోదు అని చెప్పి పంపించా. పదవిని నేను కోరుకోలేదు.. కోరుకోను.
రాజధాని ఇష్యూలో పృథ్వీ పై నేను చేసిన కామెంట్స్ జగన్ గారిని బాధించాయా?
నేను జగన్ గారిని అభిమానిస్తున్నానంటే.. వన్ సైడ్గా వెళ్లే గుడ్డి అభిమానిని కాదు. జగన్ గారు బాగుండాలి అని కోరుకునే అభిమానినే.. కాని జగన్ గారు బాగా పరిపాలించాలి.. ఆయనే మళ్లీ మళ్లీ ముఖ్యమంత్రి కావాలని కోరుకునే అభిమానిని. ఆయనపై చిన్న మచ్చ పడకూడదు అని మాత్రమే నేను పృథ్వీ విషయంలో ఆ స్టేట్ మెంట్ ఇచ్చా. అసలే నేను అప్పుడు ఏం మాట్లాడా అంటే.. ఇలాంటి వాళ్లకి పదవులు ఇవ్వడం వల్ల జగన్ గారిని అన్ పాపులర్ చేస్తున్నారు అని చెప్పా.
జగన్ గారికి కుల గజ్జిలేదు.. అర్థమౌతోందా??
జగన్ నాకు పదేళ్లుగా తెలుసు ఆయనకు కుల గజ్జిలేదు. అది లేదు అని తెలుసుకునే ఆయనతో పనిచేస్తున్నా.. ‘కమ్మ వాళ్ల అభివృద్ధి కోసమే చంద్రబాబు ఉద్యమం చేస్తున్నాడని.. ఆయనకు బంగారం దిగేసుకుని పెయిడ్ ఆర్టిస్ట్లు సపోర్ట్ చేస్తున్నారని రాజధాని మహిళల్ని కించపరిచారు. అందుకే నేను రియాక్ట్ అయ్యా.. అంటే కమ్మ వాళ్లు రెండు గాజులు కొనుక్కోలేరా? వాళ్లు పెయిడ్ ఆర్టిస్ట్లా? ప్రజలకు క్షమాపణ చెప్పిండి.. లేదంటే రాంగ్ ఇన్ఫర్మేషన్ వెళిపోతుందని స్టేట్ మెంట్ ఇచ్చా.
జగన్ కమ్మవాడు కాదు కదా..
అంతేతప్ప నేను కమ్మవాడిని కాబట్టి.. మా కమ్మవాళ్లను సపోర్ట్ చేస్తానని.. కమ్మ అనే ఫీలింగ్ నాకు ఉందనుకోవడం తప్పు. అదే ఫీలింగ్ నాకు ఉంటే నేను చంద్రబాబు వెనక తిరిగేవాడని కదా.. జగన్ కమ్మవాడు కాదు కదా.. ఆయన రెడ్డిగారు... కాని రెడ్డి అనే ఫీలింగ్ ఆయనకు లేదు. జగన్ ఎట్టిపరిస్థితుల్లోనూ తప్పు చేయరు. ఆయన తీసుకునే నిర్ణయాన్ని తప్పకుండా సమర్ధిస్తా. రైతులు ఎవరూ బాధపడకండి.. న్యాయం చేస్తానని ఆయన చెప్తూనే ఉన్నారు. కాని కొంతమంది ప్రజల్ని రెచ్చగొడుతున్నారు.
నామీ పేర్లతో భూమలు కాజేశారు..
ఇదే రైతులు చంద్రబాబు భూములు లాక్కున్నప్పుడు గోల చేశారు.. మా భూములు ఎందుకు లాక్కుంటావ్ అని. పుల్లింగ్, కనెక్టింగ్ వాటన్నింటిపైనా కేసులు వేశారు. మొత్తానికి ప్రజల దగ్గర నుండి భూమి లాక్కున్నారు. అలా అసైన్డ్ భూమలు బినామీల పేరుతో కాజేయలేదా? ప్రజల్ని భయపెట్టి లాక్కోవడం లక్షర సత్యం. చంద్రబాబు అసమ్మతిగా ఉంటారు. ప్రజలు అసమ్మతిగా ఉంటారని.. అందర్నీ చెచ్చగొడుతున్నారు.
కమ్మవాళ్లని కాపులకు ఓట్లు వేయకుండా చేశాడు..
పృథ్వీ ఒక సామాజిక వర్గాన్ని టార్గెట్ చేయడం తప్పే కదా.. పోసాని ఎదవ అంటే తప్పే కదా.. నిజంగా నేను ఎదవ పని చేస్తే ఎదవనే. లంగా పని చేస్తే లంగా.. ఏం చేయకుండా ఒక వర్గంపై పడ్డావ్. జగన్ గురించి వ్యతిరేక ప్రచారం జరుగుతుంది. జగన్ కమ్మ వాళ్లకు వ్యతిరేకం అని చంద్రబాబు ఓ పక్క గోల చేస్తున్నాడు. అందరికీ మెసేజ్లు పంపిస్తున్నాడు. నేను ఎమ్మెల్యేగా పోటీ చేసినప్పుడు చంద్రబాబు పంపిన మేసేజ్లు కొన్ని నాకు చూపించారు. నువ్ కమ్మోడివే కాని.. నీకు ఓటేయం ఎందుకంటే కమ్మవాళ్లు చిరంజీవి పార్టీకి ఓటేస్తే కాపులు మనల్ని బతకనీయరు. మన కమ్మ వాళ్లకు మనమే ఓట్లు వేసుకోవాలని చెప్పారయ్యా అన్నారు. ఆడవాళ్లను సైతం వదలకుండా అందరికీ మెసేజ్లు పంపారు. కాపులకు ఓట్లు వేయొద్దు వాళ్లు అధికారం లోకి వచ్చారంటే పల్లెటూర్లలో మనల్ని బతకనియ్యరు అని. ఇవన్నీ నాకు తెలుసు కాబట్టి కాబట్టే పృథ్వీ విషయంలోనూ ఒక కులంపై ఆరోపణలు చేయడాన్ని కండించా. ఆయన్ని వ్యక్తిగతంగా విమర్శించలేదు. పృథ్వీకి నాకు పోటీ ఏంటి? ఆయనకు పదవి వచ్చిందనీ.. పోయిందని సంతోషడే వ్యక్తిని కాదు.
కమ్మ.. కమ్మ.. కమ్మ.. ఎన్నాళ్లిలా?
మాట్లాడితే కమ్మ.. కమ్మ.. కమ్మ.. ఎన్నాళ్లు ఇలా కులం పేరుతో రెచ్చగొడతారు. నిజంగా కమ్మ అనే ఫీలింగ్ ఉంటే చంద్రబాబు ఎన్టీఆర్ని ఎందుకు చంపుతాడు. నిజంగా చంద్రబాబుకి కమ్మ అనే ఫీలింగ్ ఉంటే ఎమ్మార్వో వనజాక్షిని కొట్టినా ఎందుకు నోరు మూసుకుని ఉన్నాడు. ఆయనకు కమ్మ కాపు రెడ్డి భేధం లేదు. అతను కేవలం ఓటరా కాదా అని మాత్రమే చూస్తాడు. అలాంటి చంద్రబాబునే వీళ్లు నమ్ముతారు. తెలుగుదేశం పార్టీ రామారావుది కదా.. మని ఆయన్ని ఎందుకు చంపాడు చంద్రబాబు. కమ్మ వాడు పెద్ద వాడు అని వదిలేయొచ్చు కదా.
సినిమా వాళ్లకు జగన్ సీఎం కావడం ఇష్టంలేదంటే..
సినిమా పెద్దలు జగన్ను ముఖ్యమంత్రిగా అంగీకరించడం లేదని పృథ్వీ వాదనతో నేను ఏకీభవించను. ఎందుకంటే బడా ప్రొడ్యుసర్ సురేష్ బాబు.. జగన్ గెలవగానే పేపర్ స్టేట్ మెంట్ ఇచ్చారు. యంగ్ డైనమిక్ లీడర్ గెలిచారు బెస్ట్ ఆఫ్ లక్ అన్నారు. రాఘవేంద్రరావు గారు.. సీఎం పీఏకి ఫోన్ చేసి మేం అంతా జగన్ గారిని ఎప్పుడు రావాలని అడిగారు. ప్రస్తుతం హడావిడిగా ఉంది.. తరువాత మేమే మిమ్మల్ని పిలుస్తాం అసెంబ్లీ సమావేశాల తరువాత అని రాఘవేంద్రరావుగారికి చెప్పారు. ఆయనకి చెప్పితే మిగిలిన వాళ్లకు చెప్పినట్టు కాదా?
పదవి ఇవ్వకపోతే నాకేం ఊడదు..
జగన్ ఏం చేసినా గుడ్డిగా సమర్ధించే వ్యక్తిని కాదు.. ఒకవేళ అదే నిజమైతే పృథ్వీ గురించి ఎందుకు కామెంట్ చేస్తాను. జగన్ గారు అది గమనిస్తారని నాకు తెలియదా? నాకు ఏం అవసరం లేదు. నేను సినిమా ఇండస్ట్రీలో బతకడానికి వచ్చా. సినిమా ఇండస్ట్రీ నాకు అన్నీ ఇచ్చింది. డబ్బు, గౌరవం అన్నీ ఇచ్చింది. నేను కోరుకోవల్సింది ఏం లేదు. ఒక వేళ వాళ్లు నన్ను పిలిచి పదవి ఇస్తే... తప్పుదు నువ్వే చేయాలి అంటే తప్పకుండా చేస్తా. ఇవ్వకపోతే నాకే ఊడదు.
జగన్ వార్నింగ్ ఇచ్చినా నేను ఆ పని చేయను.. 2 కోట్లు జీతం ఇస్తానన్నా చేయను..
జగన్ గారు నన్ను పిలిచి మురళి ఇది నువ్వే చేయాలని నాకు ఒక పదవి ఇస్తే చేస్తా. అయితే పృథ్వీ చేసిన ఎస్వీబీసీ చైర్మన్ పదవి నీకు ఇస్తా.. నెలకు రెండు కోట్లు ఇస్తా అని చెప్పినా నేను చేయను. జగన్ గారు ఆదేశించినా.. హెచ్చిరించినా.. వార్నింగ్ ఇచ్చినా.. నేను ఆ పని చేయను. ఎందుకంటే.. ఒకవేళ నేను ఆ పదవి చేస్తే.. పృథ్వీని కావాలనే డ్రామాలాడి పదవి పోగొట్టి తిరిగి ఆ పదవిని దక్కించుకున్నాడని అంటారు. అందుకే నేను ఆ పదవిని చచ్చినా చేయను. ఒకవేళ అలా చేస్తే.. నేను చిన్న చంద్రబాబు అయిపోతా’ అంటూ ఆసక్తికరమైన కామెంట్స్ చేశారు పోసాని.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.