నాకు అమ్మాయిలతో ఎఫైర్లుండేవి: స్టార్ హీరో

‘నాకు అమ్మాయిలతో ఎఫైర్లుండేవి..’ అని అన్నాడు బాలీవుడ్ స్టార్ హీరో సంజయ్ దత్. ఇండియాటుడే ఆధ్వర్యంలో ఢిల్లీలో జరిగిన ‘మైండ్ రాక్స్-2017’కార్యక్రమంలో పాల్గొన్న ఈ హీరో.. యంగ్ ఏజ్ లో తన ప్రేమ వ్యవహారాల గురించి వివరించాడు. తనకు అప్పట్లో అమ్మాయిలతో ఎఫైర్లుండేవని.. చెప్పాడు. అంతే కాదు..ఒకేసారి తను ముగ్గురమ్మాయిలతో రిలేషన్ షిప్ ను నడిపించానని కూడా సంజయ్ దత్ పేర్కొనడం గమనార్హం.

తను ఒక ప్లేబాయ్ లా గడిపానని ఈ హీరో చెప్పాడు. ప్రేమించడం చాలా మంచి పని అని, ఆడవాళ్లను ప్రేమించడం మరింత మంచి పని.. దత్ కొంటెగా వ్యాఖ్యానించాడు. ఒక అమ్మాయికి మరో అమ్మాయితో వ్యవహారాన్ని తెలీయనీయకుండా నడిపించే క్లవర్ లా ఉండాలని అబ్బాయిలకు మరో కొంటె సూచనను కూడా చేశాడు ఈ హీరో.

మరి ఒకేసారి ముగ్గురితో తను రిలేషన్ ను నడిపించానని చెప్పిన ఈ హీరో.. ఆ లేడీస్ ఎవరో మాత్రం చెప్పలేదు. వాళ్లు హీరోయిన్లా, సాధారణ అమ్మాయిలేనా.. అనే విషయాన్ని కూడా వివరించలేదు. ప్రస్తుతం దత్ తన మూడో భార్యతో ఉంటున్నాడు. మాన్యతతో ఈ హీరోకి ఇద్దరు పిల్లలున్నారు.