అందులో వేలు పెట్టను -నిఖిల్

వైవిద్యమైన కథాంశాలను ఎన్నుకుంటూ యువతరం హీరోల్లో తనకంటూ ప్రత్యేక పేరును తెచ్చుకున్న హీరో నిఖిల్. అయితే నిఖిల్‌పై చాలా రోజులుగా కొన్ని విమర్శలు వినిపిస్తున్నాయి. అతడు డైరెక్షన్ విషయంలో జోక్యం చేసుకుంటాడని.. దర్శకుడిని తెగ ఇబ్బంది పెట్టేస్తుంటాడని ఫిల్మ్ నగర్ టాక్. తాజాగా ఈ హీరో నటించిన 'ఎక్కడకి పోతావు చిన్నవాడా' సినిమా విడుదలకు సిద్ధంగా ఉంది.

ఈ సందర్భంగా ఈ సినిమా ప్రమోషన్స్‌లో పాల్గొన్న నిఖిల్ తనపై వస్తోన్న విమర్శలను తోసిపుచ్చాడు. దర్శకుడికి ఫ్రీడం ఇస్తేనే సినిమా హిట్ అవుతుందని భావించే వాడిని నేను.. అటువంటిది నేను క్రియేటివిటీ విషయంలో ఎందుకు ఇన్వాల్వ్ అవుతాను. కావాలంటే నాతో పని చేసిన దర్శకులెవరినైనా.. అడగండి.. అయితే సినిమా పూర్తయిన తర్వాత పబ్లిసిటీ విషయంలో మాత్రం కేర్ తీసుకుంటాను. పబ్లిసిటీ ఎలా చేసుకుంటే సినిమాకు బెటరో నాకు తెలిసినంత వరకు సలహాలు ఇస్తాను. ఆ విధంగా చేయడం నాకు బాగా కలిసొస్తుంది కూడా.. అంటూ సమాధానం చెప్పాడు నిఖిల్.