అల్లుఅర్జున్ కట్నం విషయం బయటపెట్టిన మామ.. అది పెద్ద లెక్క కూడా కాదు

స్టైలిష్ స్టార్ నుంచి ఐకాన్ స్టార్‌గా మారిన అల్లు అర్జున్‌కు ఫ్యాన్స్ ఫాలోయింగ్‌ గురించి ప్రత్యేకంగా చెప్పాల్సిన అవసరం లేదు. మెగా ఫ్యామిలీ నుంచి వచ్చినా.. తనకంటూ స్పెషల్ ఫ్యాన్ బేస్‌ను క్రియేట్ చేసుకున్నారు. బన్నీ నిత్యం సినిమాలతో ఎంత బిజీగా ఉన్నా.. ఫ్యామిలీతో మాత్రం ఎక్కువ టైమ్ స్పెండ్ చేస్తారు. కొడుకు అయాన్, కూతురు అర్హతో సరదాగా గడిపిన వీడియోలను ఎప్పటికప్పుడు సోషల్ మీడియాలో షేర్ చేస్తుంటారు. ముఖ్యంగా అర్హ, బన్నీ మధ్య జరిగిన సరదా సంభాషణలు ట్రెండ్ అవుతుంటాయి. 2011లో స్నేహారెడ్డిని ప్రేమించి.. రెండు కుటుంబాలను ఒప్పించి వివాహాం చేసుకున్నారు అల్లుఅర్జున్.

తాజాగా అల్లుఅర్జున్ గురించి అతని మామ చంద్రశేఖర్‌ (స్నేహరెడ్డి తండ్రి) ఆసక్తికర విషయాలు పంచుకున్నారు. తాజా ఓ ఇంటర్వ్యూలో ఆయన తన అల్లుడును ఎంతో గొప్పగా పొగిడారు. 'మాకు అల్లు కుటుంబంతో రిలేషన్ ఏర్పడక ముందు నుంచి నాకు చిరంజీవి అంటే ఎంతో ఇష్టం. నేను ఆయన అభిమానిని. ఏదైనా ఫంక్షన్ జరిగితే నాకు ఎంతో ప్రాధాన్యం ఇస్తారు..' అని చిరంజీవితో ఉన్న అనుబంధం గుర్తు చేసుకున్నారు.

అనంతరం అల్లుఅర్జున్ గురించి మాట్లాడుతూ.. అల్లుడిగా వందకు వంద మార్కులు వేస్తానని చంద్రశేఖర్‌ చెప్పారు. అర్జున్‌కు మన తెలుగు రాష్ట్రాల్లోనే కాకుండా ఇతర రాష్ట్రాల్లోనూ ఫ్యాన్స్ ఉన్నారని అన్నారు. బన్నీ సినిమా పాటలను జమ్మూ కశ్మీర్‌లో కూడా వింటున్నారని.. ఇది అల్లుఅర్జున్ హార్డ్ వర్క్‌తోనే సాధ్యమైందన్నారు.

చిరంజీవి అడుగుజాడల్లో నడవడంతోనే.. మెగా హీరోలు అందరూ అంతఎత్తుకు ఎదిగారని అన్నారు. అల్లు అర్జున్ ఎలాంటి కట్నం తీసుకోలేదని.. అల్లు ఫ్యామిలీ కట్నానికి వ్యతిరేకమన్నారు. 'ఆయనకే చాలా ఉంది. మనం ఇచ్చేది ఆయనకు పెద్ద లెక్క కూడా కాదని నేను అనుకుంటున్నా..' అంటూ తన అల్లుడిపై ప్రశంసలు కురిపించారు చంద్రశేఖర్.