Alluri Pre Release Event: పుష్ప-2తో బిజీగా ఉన్నా.. శ్రీవిష్ణు కోసం వచ్చా: అల్లు అర్జున్

శ్రీవిష్ణు (Sree Vishnu) హీరోగా ప్రదీప్ దర్శకత్వంలో తెరకెక్కిన మూవీ అల్లూరి (Alluri). కయాదు లోహార్‌ (Kayadu Lohar) హీరోయిన్‌గా యాక్ట్ చేయగా.. బెక్కం వేణుగోపాల్‌ ప్రొడ్యూసర్‌గా వ్యవహరించారు. ఈ సినిమా సెప్టెంబర్ 23న ఆడియన్స్‌ ముందుకు రానుంది. ఈ నేపథ్యంలోనే ఆదివారం అల్లూరి ప్రీరిలీజ్ ఈవెంట్ (Alluri Pre Release Event)ను గ్రాండ్‌గా నిర్వహించారు. ఈ వేడుకకు ఐకాన్ స్టార్ అల్లు అర్జున్ (Allu Arjun) చీఫ్ గెస్ట్‌గా హాజరయ్యారు.

ఈ సందర్భంగా బన్నీ మాట్లాడుతూ.. తనకు ఇష్టమైన వ్యక్తి శ్రీవిష్ణు అని.. ఆయన అన్ని సినిమాలు ఫాలో అవుతుంటానని అన్నారు. ప్రేమ ఇష్క్‌ కాదల్‌ సినిమాలో ముగ్గురు హీరోలలో శ్రీవిష్ణు ఒకరని.. ఆ మూవీలో చాలా బాగా చేయడంతో అప్పటి నుంచి ఆయనపై ప్రత్యేకమైన ఇష్టం ఏర్పడిందని చెప్పారు.

'శ్రీవిష్ణుకు మంచి టెస్ట్ ఉంది. కొన్ని సార్లు మనం అనుకున్న సినిమా హిట్ అవ్వచ్చు. ఫ్లాప్ అవ్వచ్చు. కానీ శ్రీవిష్ణు ఎంచుకున్న ప్రతి సినిమా చాలా బాగుంటుంది. ఒక సినిమా కోసం కష్టపడి.. దాని గురించి చాలా తపనపడతారు. ఒక యాక్టర్ సినిమా కోసం అంత డేడికేషన్‌తో పనిచేస్తే.. హిట్ ఫ్లాపులతో సంబంధం లేకుండా ఇష్టపడతారు. ఆయన అంటే నాకు చాలా గౌరవం. ఆయన ప్రతి సినిమా బాగుండాలని నేను కోరుకుంటా. అంత కష్టపడే వ్యక్తికి ఆడియన్స్ దీవెనలు అందించాలని కోరుకుంటున్నా.. అల్లూరి సినిమాను సెప్టెంబర్ 23న చూసి.. దీవించాలని కోరుతున్నా.

నేను ప్రస్తుతం పుష్ప-2 హడావుడిలో కొంచెం బిజీగా ఉన్నా. ఇక వేడుకలకు వెళితే మైండ్ సెట్ మారిపోతుందని అనుకుని.. ఎక్కడికి వెళ్లకూడదని అనుకున్నా. ఈ టైమ్‌లోనే శ్రీవిష్ణు వచ్చి కలిశారు. ఇన్నేళ్లుగా పరిచయం ఉన్నా ఆయన ఎప్పుడు సాయం అడగలేదు. ఫస్ట్ టైమ్ వచ్చి ఈ సినిమాకు వచ్చి పుష్ చేయాలని అడిగాడు. ఆయన అడగ్గానే ఎంత బిజీగా ఉన్నా రావాలని ఫిక్స్ అయిపోయా.

ఎన్నో ఏళ్లుగా ఫంక్షన్స్‌కు వస్తున్నా.. పెద్దగా ఏం అనిపించేది కాదు. కానీ ఇవాళ ఈ వేడుకకు వస్తుంటే.. ఎందుకో టెన్షన్‌గా ఉంది. మీరు (అభిమానులు) చేసే అల్లరి వల్లనేమో (నవ్వుతూ).. నాకు తెలిసి ఇక్కడ ఎవరో పాలకొల్లు నుంచి వచ్చిన వాళ్లు ఉన్నారేమో.. అందుకే నాకు కొంచెం కంగారుగా ఉంది. పాలకొల్లు వాళ్లు అంటే నాకు భయం. జోక్ చేశా.. మా సొంతూరు పాలకొల్లు.

అందరూ సినిమాల గురించి చెబుతున్నారు. ప్రస్తుతం చిన్న సినిమా.. పెద్ద సినిమా అని కాదు. మంచి సినిమా ఉంటే జనాలు ఆదరిస్తున్నారు. వాళ్లు చిన్న సినిమా.. పెద్ద సినిమా పట్టించుకోవట్లేదు. మనం చాలా మంచి ట్రెండ్‌లో ఉన్నాం. కంటెంట్ మంచిగా ఉంటే.. చిన్న సినిమానా.. పెద్ద సినిమానా అని తేడా లేకుండా జనాలు థియేటర్‌కు వచ్చి చూస్తున్నారు. ఈ విషయంలో ప్రేక్షకులను మనస్ఫూర్తిగా ధన్యావాదాలు తెలియజేస్తున్నా. మరోసారి అల్లూరి సినిమా బాగుండాలని కోరుకుంటూ.. అందరూ దీవించాలి..' అని అల్లు అర్జున్ అన్నారు. ఇక చివర్లో పుష్ప-2 తగ్గేదేలే అంటూ తనదైన స్టైల్‌లో డైలాగ్ చెప్పారు.