ఇలియానా బికినీ షో.. అమ్మ వద్దంటోన్న వినని గోవా బ్యూటీ!

గోవా బ్యూటీ ఇలియానా అందాల ఆరబోతకు అస్సలు మొహమాటం పడటంలేదు. ఇన్‌స్టాగ్రామ్ ద్వారా అభిమానులకు కనుల విందును అందిస్తోంది. బెల్లీ డ్యాన్సులు చేస్తూ నడుమందాలను చూపిస్తూనే.. బీచ్ ఒడ్డున బికినీలో రచ్చ చేస్తోంది. ఇప్పటికే ఆమె చాలా సార్లు బికినీలో దర్శనమిచ్చింది. కానీ, ఈసారి మాత్రం పూర్తిగా అందాలను ఆరేసేసింది. ఈ మేరకు ఇన్‌స్టాగ్రామ్‌లో తాజాగా ఇలియానా ఒక ఫొటోను పోస్ట్ చేసింది. నలుపు, ఎరుపు రంగుల కలయికలో ఉన్న బికినీలో ఇలియానా ఫొటోకు పోజుచ్చింది. ఈ ఫొటోను ఇన్‌స్టాగ్రామ్ ద్వారా అభిమానులతో పంచుకుంది.

See Photo Story: హాట్ హీరోయిన్ దిశా పటాని ఇన్‌స్టాగ్రామ్ ఫొటో కలక్షన్

అంతేకాదు, ఈ ఫొటోకు మంచి క్యాప్షన్ కూడా పెట్టింది. అది కూడా చాలా సరదాగా, ఆసక్తికరంగా..! ఎండలో ఎక్కువ సేపు ఉంటే నల్లబడిపోతావు కాబట్టి సూర్యరశ్మికి దూరంగా ఉండు అని ఇలియానాకు ఆమె తల్లి చెప్పారట. కానీ, ఆ సూచనను పెడచెవిని పెట్టి తాను ఎండలో బికినీతో పడుకున్నానని ఇండైరెక్ట్‌గా ఒక ఎమోజీని పెట్టింది ఇలియానా. ఆమెకు ఉన్న కారణాలు ఏమైనా అభిమానులు అయితే మాత్రం ఇలియానా చర్మ సౌందర్యాన్ని బాగా ఆస్వాదిస్తున్నారు. కామెంట్ చేసిన ప్రతి ఒక్కరూ ‘ఫైర్’ ఎమోజీలు పెడుతున్నారు. నిజంగా ఇలియానా అలానే ఉందిలెండి.

Also Read: కాజల్ రమ్మీ భలే ఆడుతుందట.. అందుకే వాడేస్తున్నారు!

ఇదిలా ఉంటే, ప్రస్తుతం ఇలియానా ‘పాగల్‌పంతి’ అనే బాలీవుడ్ సినిమాలో నటిస్తోంది. జాన్ అబ్రహంకు జోడీగా ఈ చిత్రంలో ఇలియానా చేస్తోంది. అనిల్ కపూర్, అర్షద్ వార్సి, పుల్కిత్ సామ్రాట్, కృతి ఖర్బంద, ఊర్వశి రౌతెల ముఖ్య పాత్రలు పోషిస్తున్నారు. ఇటీవలే చిత్ర ట్రైలర్ విడుదలైంది. ఈ సినిమా నవంబర్ 22న ప్రేక్షకుల ముందుకు రానుంది. కాగా, తెలుగులో చివరిగా రవితేజ హీరోగా నటించిన ‘అమర్ అక్బర్ ఆంటొని’ సినిమాలో ఇలియానా కనిపించింది.