Ileana: తల్లి కాబోతున్న ఇలియానా..?

నటి ఇలియానా డిక్రూజ్ తల్లి కాబోతోందా? ఒకవైపు సినిమాలతో బిజీగానే కనిపిస్తున్న ఈ గోవా భామ త్వరలోనే బిడ్డకు జన్మనివ్వబోతోందా? ఈ ప్రశ్నలు ఇప్పుడు హాట్‌టాపిక్ గా మారాయి. ఒక ఆస్ట్రేలియన్ ఫొటోగ్రాఫర్ తో చాన్నాళ్ల నుంచి డేటింగ్ లో ఉంది ఇలియానా. వీళ్లిద్దరూ పెళ్లి సైతం చేసుకున్నట్టుగా కొన్నాళ్ల కిందట వార్తలు వచ్చాయి. అయితే ఆ వార్తలను ఇలియానా ధ్రువీకరించలేదు. అలాగని ఖండించనూ లేదు.

ఈ నేపథ్యంలో ఇప్పుడు ఈమె తల్లి కాబోతోందనే వార్తలు వస్తున్నాయి. ఈ అంశం గురించి కూడా ఇలియానా స్పందించడం లేదు. తను ప్రెగ్నెంట్ అని వస్తున్న వార్తలను ఆమె సమర్థించడం లేదు, అలాగని ఖండించడం లేదు.

తెలుగులో స్టార్ హీరోయిన్‌గా ఒక దశలో వెలిగిన ఇలియానా బాలీవుడ్‌లో అవకాశాల కోసమంటూ ఇటువైపు నుంచి అటు వెళ్లిపోయింది. ఆ తర్వాత బాలీవుడ్ ఈమె కెరీర్ పలు ఒడిదుడుకులను ఎదుర్కొంది. ఆ దశలో మళ్లీ సౌత్ సినిమాల్లో అవకాశాలు ఆశించినా రాలేదు. ఆ తర్వాత ఇప్పుడిప్పుడు బాలీవుడ్ లో నిలదొక్కుకునే ప్రయత్నాల్లో ఉంది ఈ గోవా భామ.