Ileana: ఏ మాత్రం తగ్గని ఇలియానా గ్రేస్.. బెల్లీ డాన్స్‌తో ర్యాప్ సాంగ్‌లో షేకింగ్ పెర్ఫామెన్స్!

తెలుగులో ‘దేవదాసు’ మూవీతో ఎంట్రీ ఇచ్చిన ఇలియానా (Ileana).. ‘పోకిరి’ సినిమాతో యువ హృదయాలను కొల్లగొట్టింది. ఆ సినిమా తర్వాత టాలీవుడ్‌లో ఆమె క్రేజ్ ఎక్కడికో వెళ్లిపోయింది. రెమ్యునరేషన్‌లోనూ హైట్స్ చూసింది. ఈ క్రమంలోనే పలువురు స్టార్ హీరోలకు జంటగా నటించిన ఈ గోవా అందం బాలీవుడ్‌ మీద మోజుతో టాలీవుడ్‌కు హ్యాండిచ్చింది. కానీ అక్కడ కూడా అవకాశాలు అందుకోలేక ఫేడవుట్ అయిపోయింది. హిందీలో నాలుగేళ్ల కిందట నటించిన ‘ది బిగ్ బుల్’ చిత్రమే ఆమెకు చివరది. ఈ క్రమంలోనే కొంతకాలం పర్సనల్ లైఫ్‌లో స్ట్రగుల్స్ ఎదుర్కొన్న అందాల తార.. వాటి నుంచి బయపడి మళ్లీ కెరీర్‌పై ఫోకస్ చేస్తోంది. అయితే ఈసారి మ్యూజిక్ వీడియో (Musi Video) ద్వారా తన అదృష్టాన్ని పరీక్షించుకుంటోంది.పాపులర్ ర్యాపర్ బాద్‌షా (Rapper Badshah) రూపొందించిన మ్యూజిక్ వీడియోలో ఇలియానా దర్శనమిచ్చింది. బాద్‌షా, గోల్డ్‌కార్ట్‌జ్‌తో కలిసి ఈ వీడియోలో కనిపించింది ఇల్లీ బేబీ. ‘సబ్ గజాబ్’ (Sab Gazab) పేరుతో తెరకెక్కిన ఈ వీడియోలో సెక్సీ అవతార్‌లో కనిపించి తన ట్రేడ్ మార్క్ బెల్లీ డాన్స్‌తో (Belly Dance) దుమ్మురేపింది. తనలో మునుపటి గ్రేస్ ఏ మాత్రం తగ్గలేదని నిరూపించింది. అయితే డాన్స్‌, ఎక్స్‌ప్రెషన్స్‌లో గ్రేస్ చూపించగలిగినా.. ఆమె బాడీ మాత్రం గతంలో ఉన్నట్లు లేదు. వయసు పెరిగిన చాయలు స్పష్టంగా కనిపిస్తున్నాయి.

అయితే, ఇలియానా తెరపై కనిపిస్తే ఆమె అందాన్ని ఆరాధించే ఫ్యాన్స్‌కు కొదువ లేదు. ఇన్నేళ్లుగా ఆమె పెర్ఫామెన్స్ కోసం ఎదురుచూస్తున్న అభిమానులను మాత్రం ఈ మ్యూజిక్ వీడియో తప్పకుండా అలరిస్తుంది. ఇందులో ఇలియానా చూపించిన పెర్ఫామెన్స్ చూసైనా బీటౌన్ ఫిలిం మేకర్స్ తనకు ఆఫర్లు ఇస్తారో లేదో చూడాలి.

కాగా తెలుగులో శ్రీను వైట్ల దర్శకత్వంలో రవితేజ నటించిన ‘అమర్ అక్బర్ ఆంటోని’ చిత్రంలో చివరిసారిగా కనిపించింది. ఈ మూవీ హిట్ అయితే తనకు మరిన్ని అవకాశాలు వచ్చేవేమో కానీ బాక్సాఫీస్ వద్ద డిజాస్టర్‌గా మిగిలింది. దీంతో తెలుగులో తనకు మరో చాన్స్ రాలేదు.

• Read latest Tollywood updates and Telugu News