కాజల్ ఆ విషయాలను మర్చిపోలేదు

కళ్లతోనే కుర్రకారును మత్తెక్కించే ముద్దుగుమ్మ కాజల్ అగర్వాల్ సినిమాల్లోకి వచ్చిన కొత్తలో చాలా కష్టాలు పడిందట. అయితే అవి తనకు మంచే చేశాయని.. ఆ కష్టాలను ఎదుర్కొనే క్రమంలో తన బలాలను గుర్తించినట్లు కాజల్ అగర్వాల్ చెప్పుకొస్తోంది. టాలీవుడ్‌లోని టాప్ యువ హీరోలతో పాటు చిరంజీవితో కలిసి ఆడిపాడిన ఈ అమ్మడు ప్రసుత్తం తేజ దర్శకత్వంలో రానా పక్కన నటిస్తోంది.

తొలుత ‘లక్ష్మీ కల్యాణం’తోనే కాజల్ అగర్వాల్‌ను డైరెక్టర్ తేజ వెండితెరకు హీరోయిన్‌గా పరిచయం చేశారు. అనంతరం వచ్చిన కొన్ని సినిమాలు నిరాశపరిచినా.. రాజమౌళి దర్శకత్వంలో వచ్చిన మగధీర సినిమా కాజల్‌ని టాప్ హీరోయిన్ జాబితాలో చేర్చింది. అప్పటి నుంచి ఇప్పటి వరకు కాజల్ తిరుగులేని కథానాయికగా తెలుగు, తమిళ భాషల్లో నటిస్తూ అభిమానులను మెప్పిస్తోంది.

అయితే దాదాపు పదేళ్ల తర్వాత మళ్లీ తేజ దర్శకత్వంలో చేస్తుండటంతో ఈ భామకి పాత రోజులు గుర్తుకు వచ్చినట్లున్నాయి. కెరీర్ ఆరంభంలో కొన్ని సినిమాలపై భారీ అంచనాలు పెట్టుకున్నా అవి బాక్సీఫీస్ వద్ద బోల్తా కొట్టడం.. పెద్ద హీరోల పక్కన ఛాన్స్ రాకపోవడం.. సినిమాల ఎంపికలో తడబాటు తదితర అంశాలు అప్పట్లో ఈ చిన్నదాన్ని బాధపెట్టినట్లున్నాయి.