దక్షిణాది హీరోలు బెడ్రూమ్‌కి రమ్మంటారు: నటి

ఇది వరకే ఒకసారి దక్షిణాది సినీ హీరోలపై పెద్ద అభియోగాన్ని మోపిన నటి రాధికా ఆప్టే మరోసారి అలాంటి మాటలే మాట్లాడారు. ఇండస్ట్రీలో కాస్టింగ్ కోచ్ విషయంలో రాధిక సంచలన వ్యాఖ్యలనే చేశారు. ఒక దక్షిణాది హీరో తనను బెడ్రూమ్ కు రమ్మని గతంలో ఒత్తిడి చేశాడని రాధిక ఇది వరకూ ప్రకటించింది. పలు సౌత్ సినిమాల్లో నటించిందీమె. తను నటించిన సినిమాలోని హీరో తనపై అలా ఒత్తిడి చేశాడని రాధిక గతంలోనే చెప్పింది.

ఇప్పుడు కూడా ఆమె దాదాపు ఇదే మాటే చెప్పింది. దక్షిణాది ఇండస్ట్రీ మీదే ఆమె హాట్ కామెంట్స్ చేసింది. ‘ఎటు తిరిగీ పడక గదిలోకి రప్పించుకోవాలని దక్షిణాది చిత్ర పరిశ్రమల్లో ప్రయత్నిస్తారు. పడుకొమ్మని ఫోర్స్ చేస్తారు.. ’ అంటూ రాధిక వ్యాఖ్యానించింది. పలు దక్షిణాది సినిమాల్లో నటించిన తనకు ఆ ఒత్తిళ్లు అనుభవమే అని ఆమె వ్యాఖ్యానించింది. అయితే అలాంటి ఒత్తిళ్లకు తను తలొగ్గలేదని చెప్పింది.

‘నాపై కూడా ఆ విషయంలో ఒత్తిళ్లు వచ్చాయి. అయితే వాటికి నేను తలొగ్గలేదు. అందుకే నేను అక్కడ అవకాశాలను కోల్పోయాను..’ అని రాధిక వివరించుకు వచ్చింది. బాలీవుడ్ కు వెళ్లి బిజీ అయిన కొంతమంది నటీమణులు దక్షిణాది చిత్రపరిశ్రమ మీద ఈ తరహా వ్యాఖ్యానాలు చేయడం కొత్తేమీ కాదు. కొందరు రాధిక తరహాలో మాట్లాడగా.. దక్షిణాది చిత్రల్లో ఎక్స్ పోజింగ్ ఎక్కువ అని, ఎక్స్ పోజింగ్ చేయించడానికి డైరెక్టర్లు తమ శరీరాన్ని పండ్లు, శంఖాలతో కొట్టి హింస పెడతారని ఇలియానా వంటి నటీమణులు వ్యాఖ్యానించారు.