ప్రిన్స్ మహేష్ బాబు నటించిన ‘భరత్ అనే నేను’ ఏప్రిల్ 20 విడుదలకు రెడీ కావడంతో ప్రమోషన్స్ వర్క్ను వేగవంతం చేసింది. వీటిలో భాగంగా ఇప్పటికే పోస్టర్స్, టీజర్స్, సాంగ్స్ ప్రోమోలను విడుదల చేసి మూవీపై ఎక్స్పెక్టేషన్స్ పెంచేశారు. ఇక ఈ నెల 7న ‘భరత్ బహిరంగ సభ’ పేరుతో భారీ ఈవెంట్ను నిర్వహిస్తున్నారు చిత్రయూనిట్. హైదరాబాద్లోని ఎల్ బి స్టేడియంలో ఏప్రిల్ 7 సాయంత్రం 7 గంటలకు ప్రారంభకానున్న ఈ బహిరంగ సభకు భారీ ఎత్తున ఏర్పాట్లను నిర్వహిస్తున్నారు.
ఇక అదే రోజు అదే టైంకి ఐపీఎల్ ఆరంభవేడుక అత్యంత అట్టహాసంగా ప్రారంభం కానుంది. అసలే సమ్మర్ సీజన్ అందులోనూ పొట్టి క్రికెట్ అంటే ఆసక్తిచూపని వారెవరు ఉంటారు. పైగా ఈ ఐపీఎల్ సీజన్కి తెలుగు ప్రచార కర్తగా యంగ్ టైగర్ ఎన్టీఆర్ ఉండటంతో మా ఛానల్ అప్పుడే దండిగా ప్రోమోలను సైతం కుమ్మేస్తోంది. దీంతో భరత్ బహిరంగ సభకు ఐపీఎల్ ప్రారంభవేడుకతో క్లాష్ తప్పడం లేదు. ఇక్కడ మరో ట్విస్ట్ ఏంటంటే ఈ బహిరంగ సభకు ఐపీఎల్ ప్రచార కర్తగా ఉన్న జూనియర్ ఎన్టీఆర్ ముఖ్య అతిథిగా హాజరౌతున్నట్టు సమాచారం.
ఇదిలాఉంటే.. ‘భరత్ అనే నేను’ బహిరంగ సభకు రెండే రోజులు టైం ఉండటం తేదీ మార్పు సాధ్యం కాదు. పైగా ఇప్పటికే ఈ బహిరంగ సభ పోస్టర్లను పబ్లిష్ చేసేశారు. దీంతో ఐపీఎల్కు ధీటుగా భరత్ బహిరంగ సభను నిర్వహించడమే నిర్మాతల ముందు ఉన్న ఏకైక ఆప్షన్. మరి నిర్మాత డీవీవీ దానయ్య ఎలాంటి నిర్ణయం తీసుకుంటారో చూడాలి.
భరత్ బహిరంగ సభకు ఐపీఎల్ ఎర్త్!
ప్రిన్స్ మహేష్ బాబు నటించిన ‘భరత్ అనే నేను’ ఏప్రిల్ 20 విడుదలకు రెడీ కావడంతో ప్రమోషన్స్ వర్క్ను వేగవంతం చేసింది.
Samayam Telugu 4 Apr 2018, 7:34 pm