ఆ స్టార్ హీరో ఫ్యాన్స్‌ అధ్యక్షుడిగా మెగాస్టార్ Chiranjeevi !..సాక్ష్య‌మిదే.. ఫొటో వైరల్

మెగాస్టార్ చిరంజీవి (Megastar Chiranjeevi) ఓ స్టార్ హీరో ఫ్యాన్స్‌కు అధ్యకుడిగా గతంలో ఉండేవారట. ప్రస్తుతం ఈ న్యూస్ బయటకు వచ్చి సోషల్ మీడియాలో చక్కర్లు కొడుతూ వైరల్ అవుతోంది. ఒకే ఏడాదిలో ప్రాణం ఖరీదు, పునాది రాళ్ళు సినిమాలతో ఇండస్ట్రీలోకి ఎంట్రీ ఇచ్చిన చిరంజీవి (Chiranjeevi) ఆ తర్వాత ఖైదీ సినిమాతో కమర్షియల్ హీరోగా నిలదొక్కుకున్నారు. అప్పటి వరకు సీనియర్ నటులు ఎన్.టి.ఆర్, ఏ.ఎన్.ఆర్.. పౌరాణిక, జానపద, సాంఘీక చిత్రాలలో నటిస్తూ అగ్ర నటులుగా వెలుగుతున్నారు.

ఇక కృష్ణ (Superstar Krishna) సూపర్ స్టార్‌గా, సోగ్గాడుగా శోభన్ బాబు లాంటి వారు క్రేజ్ తెచ్చుకొని కమర్షియల్ సినిమాలు చేస్తున్నారు. వీరందరికంటే నటనలో ఓ కొత్త ఒరవడిని తీసుకువచ్చి తనకంటూ ఓ ప్రత్యేకమైన శైలిని ఏర్పరచుకొని పక్కా కమర్షియల్ అండ్ మాస్ చిత్రాలకు కేరాఫ్ అడ్రస్‌గా చిరంజీవి మారారు. ఆ సమయంలో ఉన్న హీరోలను ఒకదశలో చిరంజీవి డామినేట్ చేశారంటే సినిమా వెనక సినిమా చేస్తూ ఎంత శ్రమించి ఆ రేంజ్ స్టార్ డమ్ తెచ్చుకుని ఉంటారో ఊహించవచ్చు. ప్రస్తుతం మెగాస్టార్‌గా ప్రపంచవ్యాప్తంగా అసాధారణమైన పాపులారిటీని తెచ్చుకొని తెలుగు ఇండస్ట్రీలో అభిమానులకు, ప్రజలకు ఎన్నో సేవలందిస్తూ ఇండస్ట్రీకి పెద్ద దిక్కుగానూ ఉన్నారు.



అయితే, సూపర్ స్టార్ కృష్ణకు మెగాస్టార్ (Megastar) అభిమాని. అంతేకాదు, కృష్ణ స్టూడియో అయిన పద్మాలయ కృష్ణ ఫ్యాన్స్ అసోసియేషన్‌కు ప్రెసిడెంట్‌గానూ కొన్నాళ్ళు వ్యవహరించారు. ఇంతకాలం ఈ విషయం ఎవరికీ తెలియదు. దీనికి సంబంధించిన ఓ కరపత్రం( పాంప్లేట్) ఇప్పుడు సోషల్ మీడియాలో వైరల్ అవుతోంది. దీనిలో చిరంజీవి - కృష్ణ కలిసి నటించిన తోడు దొంగలు సినిమా త్వరలో రిలీజ్ అని ఉంది. ఇది చూసి అటు మెగా ఫ్యాన్స్ ఇటు ఘట్టమనేని ఫ్యాన్స్ ఆనందపడుతున్నారు. ఇక వీరిద్దరి కుటుంబాల మధ్య కూడా మంచి అనుబంధం ఉన్న సంగతి తెలిసిందే.