ఎమ్మెల్యేను ప్రశంసించిన జగపతిబాబు!

రాజకీయాల గురించి అడిగితే వాటి గురించి తనకు పట్టదని చెబుతూ ఉంటాడు నటుడు జగపతి బాబు. చాలా మంది సినీతారలు తెలుగునాట రాజకీయాల్లోకి ప్రవేశించినా.. తనకు అలాంటి ఆసక్తి లేనట్టుగా జగపతి చెబుతూ ఉంటాడు. మరి ఇలాంటి నటుడు ఉన్నట్టుండి ఒక రాజకీయ నేతను మెచ్చుకున్నారు. ఆయన ఒక జెంటిల్మన్ అని కితాబిచ్చాడు. మరి జగపతి చేత ప్రశంసలు పొందిన ఆ నేత ఎవరు? ఏమిటా కథ అంటే, ఇదంతా ‘జయజానకీనాయక’ సినిమా విజయోత్సవ వేడుకలో జరిగింది.

హంసలదీవిలో జరిగిన ఈ కార్యక్రమంలో జగపతి మాట్లాడుతూ.. టీడీపీ ఎమ్మెల్యే, సీనియర్ పొలిటీషియన్ మండలి బుద్ధ ప్రసాద్ పై ప్రశంసల వర్షం కురిపించాడు. చాన్నాళ్లకు ఒక మంచి రాజకీయ నేతను చూశాను అని, అందరూ ఎమ్మెల్యేలూ మండలి బుద్ధ ప్రసాద్ లా ఉండాలి.. అని జగపతి ఆకాంక్షించాడు. ప్రసంగిస్తూనే మండలికి జగపతికి బాబు నమస్కరించాడు.

మండలి బుద్ధ ప్రసాద్ కృష్ణా జిల్లా అవనిగడ్డ నుంచి ఎమ్మెల్యేగా ఉన్నారు. గతంలో వైఎస్సార్ ప్రభుత్వంలో మండలి బుద్ధప్రసాద్ మంత్రిగా పనిచేశారు. రాష్ట్ర విభజన నేపథ్యంలో మండలి తెలుగుదేశం పార్టీలో చేరారు. ఎమ్మెల్యేగా నెగ్గారు. తెలుగు భాష పరిరక్షణ ఉద్యమంలో కూడా మండలి ముఖ్యపాత్ర పోషిస్తూ ఉంటారు.