Jagapathi Babu: రజినీకాంత్‌‌ చెప్తే వంద శాతం నిజం.. సూపర్‌స్టార్‌కు జగపతిబాబు సపోర్ట్!

సెకండ్ ఇన్నింగ్స్‌లో విలక్షణ పాత్రలతో మెప్పిస్తున్న జగపతి బాబు (Jagapathi Babu) నటించిన తాజా చిత్రం ‘రామబాణం’ (Rama Banam). గోపీచంద్, డింపుల్ హయాతి జంటగా నటించిన ఈ చిత్రానికి శ్రీవాస్ దర్శకత్వం వహించారు. ఈ శుక్రవారం విడుదలవుతుండగా.. ప్రమోషన్స్‌లో పాల్గొన్న జగపతి బాబు మూవీ విశేషాలను వెల్లడించారు. ‘రామబాణం’ అన్ని ఎమోషన్స్‌తో కూడిన మంచి ఫ్యామిలీ ఎంటర్‌టైనర్ అన్నారు. ఇదే సందర్భంగా సూపర్‌స్టార్ రజినీకాంత్‌పై (Superstar Rajinikanth) పలువురు వైసీపీ నాయకులు చేస్తు్న్న విమర్శలపై స్పందిస్తూ రజినీకాంత్ ఎప్పుడూ కరెక్ట్‌గానే మాట్లాడతారని అభిప్రాయపడ్డారు.రజినీకాంత్‌పై విమర్శల విషయానికొస్తే.. ఎన్టీఆర్ శతజయంతి వేడుక సభ టీడీపీ ఆధ్వర్యంలో ఇటీవలే విజయవాడలో నిర్వహించారు. ఈ సభకు అతిథిగా హాజరైన రజినీకాంత్.. ఏపీ మాజీ సీఎం చంద్రబాబు (Chandrababu Naidu) విజన్, నాయకత్వ పటిమను ప్రశంసించారు. అయితే చంద్రబాబును పొగడటంపై అధికార వైసీసీ పార్టీ నాయకులు (YCP Leaders) రజినీకాంత్‌ను టార్గెట్ చేశారు. నిజానికి రజనీ.. వైసీపీని కానీ, ఆ పార్టీ లీడర్లను కానీ విమర్శించలేదు. అయినప్పటికీ సూపర్ స్టార్‌పై విమర్శల దాడి కొనసాగుతోంది. ఆఖరికి చనిపోయిన సిల్క్ స్మితతో లింక్ పెట్టి రజినీ క్యారెక్టర్‌పై బురదచల్లే ప్రయత్నం చేశారు. ఇలా ఆయనపై వైసీపీ నాయకుల మాటల దాడి రోజురోజుకీ పెరిగిపోతోంది.

అయితే, సినిమాలే కాక సామాజిక అంశాలపై తన అభిప్రాయాలను వ్యక్తపరిచే నటుడు జగపతి బాబు ఈ సమస్యపై స్పందించారు. లేటెస్ట్ ప్రెస్ మీట్‌లో ఆయన రజనీకాంత్‌కు మద్దతుగా మాట్లాడారు. పాలిటిక్స్ ప్రస్తావన లేకుండా రజనీకాంత్‌కు సపోర్ట్ చేస్తూ వైసీపీకి ఇన్‌‌డైరెక్ట్‌గా కౌంటర్ ఇచ్చారు. సినీ జర్నలిస్టుల ప్రశ్నకు స్పందిస్తూ.. ‘రజినీకాంత్ ఎప్పుడైనా సరే బాగా మాట్లాడతారు. మరీ ముఖ్యంగా నిజమే మాట్లాడతారు. రజనీ చెప్పింది వంద శాతం నిజం’ అన్నారు.

ఇక రజినీకాంత్, జగపతి బాబు కలిసి ఇప్పటికే రెండు సినిమాల్లో నటించారు. అందులో ‘కథానాయకుడు’ సినిమా కాగా.. ఇందులో రజినీ ఫ్రెండ్ క్యారెక్టర్‌లో కనిపించాడు జగ్గు. అలాగే ‘లింగ’ సినిమాలో నెగెటిల్ రోల్‌లో నటించాడు. ఇదిలా ఉంటే జగపతి బాబు.. సల్మాన్‌, వెంకీతో కలిసి నటించిన ‘కిసీ కా భాయ్ కిసి కి జాన్’ ఇటీవలే విడుదలైంది. సుకుమార్, బన్నీ కాంబబినేషన్‌లో తెరకెక్కుతున్న ‘పుష్ప2’ చిత్రంతో పాటు మహేష్ బాబు SSMB28లో కీలక పాత్రలు పోషిస్తున్నాడు జగ్గు.

• Read latest Tollywood updates and Telugu News