'జాగ్వార్' ఆడియోకి చీఫ్ గెస్ట్‌గా మంత్రి కేటీఆర్

మాజీ పీఎం దేవెగౌడ మనుమడు, కర్ణాటక మాజీ సీఎం హెచ్. డి. కుమారస్వామి తనయుడు అయిన నిఖిల్ కుమార్ గౌడను హీరోగా పరిచయం చేస్తూ 'జాగ్వార్' అనే టైటిల్ తో, రూ. 75 కోట్ల భారీ బడ్జెట్ తో ఓ చిత్రం తెరకెక్కుతోంది. ఈ సినిమా ఆడియో ఫంక్షన్ హైదరాబాదులోని నోవాటెల్ లో ఆదివారం గ్రాండ్ గా జరుగుతోంది. ఈ కార్యక్రమానికి చీఫ్ గెస్ట్ గా తెలంగాణ మంత్రి కేటీఆర్ హాజరయ్యారు. దేవెగౌడ,హెచ్. డి. కుమారస్వామి లతో పాటు పీవీ సింధు, జగపతి బాబు, సురేష్ బాబు, తమ్మారెడ్డి భరద్వాజ తదితర సినీ, రాజకీయ ప్రముఖులు హాజరయ్యారు.
బాహుబలి, భజరంగీ భాయిజాన్ చిత్రాల తర్వాత సెన్సేషనల్ కథా రచయిత విజయేంద్ర ప్రసాద్ ఈ జాగ్వార్ సినిమాకు కథను అందిస్తున్నారు. ఎ. మహదేవ్ ఈ సినిమాకు దర్శకత్వం వహిస్తున్నారు. హీరోయిన్ గా దీప్తి సతి నటిస్తుంది. ఈ సినిమాలో జగపతి బాబు, రమ్యకృష్ణ లాంటి విలక్షణ నటులు ప్రత్యేక పాత్రల్లో నటిస్తున్నారు. ఎస్. ఎస్. థమన్ మ్యూజిక్ అందిస్తున్నారు. ఇంతటి ఘనమైన విశేషాలు ఉన్న ఈ సినిమా హైఓల్టేజ్ పవర్ ప్యాక్ గా తెరకెక్కుతుంది.